aap ke shahr mein aane vaale — Faiz Tabassum Tonsvi

"mumkin hai phir talaafi-e-maafaat ho na ho aa jaa ki is ke baa'd koi baat ho na ho shaayad ki ziist saans bhi lene na de hamein shaayad ki is ke baa'd mulaaqaat ho na ho ab tak to aansuon ki jhaDi hai lagi hui phir kaun jaantaa hai ki barsaat ho na ho ik apne jiite ji ho charaaghaan kaa ehtimaam marne ke baa'd phir koi baaraat ho na ho do chaar jaam pi lo azizo ki kyaa khabar saaqi ki ham pe chashm-e-inaayaat ho na ho ye bekasi ki raat ghanimat hai 'faiz' ji phir se ye bekasi ki kabhi raat ho na ho"

"mausam achchhaa hai rut suhaani hai mere lab par tiri kahaani hai dukh ho yaa sukh ho jhelnaa hai use zindagaani to zindagaani hai aaj baadal hain baad-o-baaraan hai haath mein jaam-e-arghavaani hai jis ne sarshaar umr bhar rakkhaa zaahido vo meri javaani hai log kahte hain zindagi jis ko ek qissa hai ik kahaani hai zindagi ek said hai jis ki taak mein marg-e-naa-gahaani hai sher kyaa zindagi kaa naghma hain main huun aur meri gul-fishaani hai dil ki hain vaardaat sher mire marsiya hai ki nauha-khvaani hai husn se umr bhar kaa yaaraana husn to meraa yaar-e-jaani hai main samajhtaa huun zindagi hai amar log kahte hain ziist faani hai 'faiz' ab to sanbhal nahin paate naa-tavaani si naa-tavaani hai"

"har taraf jalva-e-farozaan hai sahn-e-hasti mein ik charaaghaan hai husn hi husn hai nigaahon mein zarra zarra guhar-badaamaan hai phuul to khil rahe hain gulshan mein apni qismat hai apnaa daamaan hai ai vafaa-naa-shanaas vaqt bataa aaj phir kis se ahd-o-paimaan hai zindagi se janam kaa saath miraa zindagi mujh se kyon gurezaan hai aaj mausam hasin hai jaan-e-bahaar aaj chaliye ki baad-o-baaraan hai maujzan ek qulzum-e-khun hai Duubi Duubi si nabz-e-dauraan hai saans lenaa nasib hai mujh ko zindagi pe bhi teraa ehsaan hai jis ko insaaniyat se nafrat hai ahd-e-haazir ye teraa insaan hai jis ki takmil aaj tak na hui main huun aur mere dil kaa armaan hai 'faiz' ko puchhte raho yaaro sunte hain ik ajiib insaan hai"

"begaana-e-shuur-e-vafaa ho gayaa vo shakhs ye kyaa huaa ki mujh se khafaa ho gayaa vo shakhs jis se mili thi meri tamanna ko raushni ai tirgi-e-bakht khafaa ho gayaa vo shakhs utraa thaa bu-e-gul ki tarah meri ruuh mein aisaa gayaa ki mauj-e-havaa ho gayaa vo shakhs ham ne jise sahifa-e-ulfat samajh liyaa be-mehri-e-jahaan ki adaa ho gayaa vo shakhs allah re us ki yaad ke gajre hare rahein ujDe hue dilon ki davaa ho gayaa vo shakhs sunte hain ek 'faiz' gharib-ud-dayaar thaa haq maghfirat kare ki qazaa ho gayaa vo shakhs"

"kaif-o-surur qalb ke imkaan hi gae dil kyaa gayaa hayaat ke saamaan hi gae vo vaardaat-e-qalb ke lamhe fanaa hue vo jin pe naaz thaa mujhe armaan hi gae pahle to hausla na huaa un se rabt kaa aakhir ham apne dil kaa kahaa maan hi gae ham ne to dard-e-dil ko hi darmaan banaa liyaa apne kiye pe aap pashemaan hi gae dekhaa hai ham ne maut ko itnaa qarib se is lomDi ki chaal ko pahchaan hi gae ulTaao jaam bazm-e-tarab multavi karo jo jaan-e-mai-kada the vo mehmaan hi gae phir le chalaa hai jaanib-e-maqtal to chal chalein ai qalb-e-zaar teraa kahaa maan hi gae vo aur honge jin ko navaazaa jahaan ne duniyaa se 'faiz' be-sar-o-saamaan hi gae"

"kucha kucha ghuum ke dekhaa baat to itni jaani hai jitnaa jitnaa shahr baDaa hai utni hi viraani hai dil ke kaaran is duniyaa mein kitne ghaav khaae hain lekin jab bhi mauqa aaya baat usi ki maani hai ye sansaar hai gahraa saagar is ke andar moti hain saahil par tum moti DhunDo ye to baDi naadaani hai yuun to is jivan kaa pal pal ek suhaanaa sapnaa hai manmohan albelaa saajan is mein ek javaani hai in aankhon ne aaj na-jaane kaisaa manzar dekhaa hai aaj miraa dil dhaDak rahaa hai aaj baDi hairaani hai aivaanon mein rahne vaalo kuTiyaaon par ek nazar maal-o-manaal ki qimat kyaa hai ye duniyaa to faani hai uljhaao pe uljhaao hain us hasti ki basti mein ek tavil bakheDaa hai ye ek ajiib kahaani hai man mandir mein 'faiz' hamaare mela hai kanyaaon kaa har surat ik murat hai aur har tasvir suhaani hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"