apne dushman hazaar nikle hain — Mohammad Yaqoob Aasi

"miraa tafakkur ghubaar-sochein nikhaartaa hai ki meri aankhon mein surkh shabnam utaartaa hai main aaj khauf-e-khudaa se mahrum ho gayaa huun kai khudaaon kaa khauf ab mujh ko maartaa hai Daraa rahaa hai mujhe vo mere paDosiyon se mire jigar mein jo zahr-e-khanjar utaartaa hai mire mohalle mein mere bhaai jhagaD rahe hain udhar koi apne tarkashon ko sanvaartaa hai hisaar-e-zulmat mein kab se insaan bhaTak rahaa hai kisi nae din ko daur-e-haazir pukaartaa hai dam-e-saraafil hai naqib-e-jahaan-e-nau hai vo ek jazba ki sar dilon mein ubhaartaa hai naved hai ik jahaan-e-nau ki isi ke dam se hamaari ruhon mein irtiqaa par sanvaartaa hai"

"hujum-e-gham se masarrat kashid karte hain ki ham to zahr se amrit kashid karte hain unhon ne paal rakhe hain zamaane-bhar ke gham mire lahu se jo 'ishrat kashid karte hain hamaari fikr abhi qaid hai zavaahir mein ham apne kaam se shohrat kashid karte hain sadaaein ham ne suni hain jo shahr mein un se ik ek lafz baghaavat kashid karte hain main un ko dekh ke hairat mein gharq huun 'aasi' vo mere haal se 'ibrat kashid karte hain"

"aao kuchh zikr-e-rozgaar karein daur-e-haazir ke gham shumaar karein aur bhi bojh hain isi sar par aarzuein kahaan savaar karein aap nuqsaan sah na paaeinge aap dil kaa na kaarobaar karein ham se to be-rukhi nahin hoti jo bhi chaahein hamaare yaar karein aabla-paa payaam chhoD gae log nazzaara-e-bahaar karein hai taqaazaa-e-ghairat-e-imroz zor-e-baazu pe inhisaar karein kuchh to farmaaiye ki 'aasi-ji' kyaa karein kis pe eatibaar karein"

"jaane chali hai kaisi havaa saare shahr mein sochein huiin saron se judaa saare shahr mein meri har ek arz hai naa-mo'tabar yahaan us kaa har ek hukm ravaa saare shahr mein sargoshiyaan hain aur jhuke sar hain khauf hai sahmi hui hai khalq-e-khudaa saare shahr mein badli miri nigaah ki chehre badal gae koi bhi mo'atabar na rahaa saare shahr mein pindaar qaisari pe jo zarb ik lagi to phir kandhon pe koi sar na rahaa saare shahr mein khaamosh ho gae hain mire saare ham-navaa zinda hai ek meri sadaa saare shahr mein"

"aadmi ko vaqaar mil jaae gar jabin ko ghubaar mil jaae kis ko parvaa rahe masaaib ki fikr ko gar nikhaar mil jaae aadmiyyat kaa husn hai vo shakhs jis ko un kaa shi'aar mil jaae ik tamannaa baDe dinon se hai laili-e-ku-e-yaar mil jaae vo baDaa khush-nasib hai jis ko lazzat-e-intizaar mil jaae ik zaraa sochiye to hogaa kyaa gar junun ko qaraar mil jaae"

"main hi divaana sahi log to farzaane hain kyuun haqaaeq mein milaa dete ye afsaane hain ek lamhe ko nigah aur taraf bhaTki thi varna ham sirf tiri diid ke divaane hain jis ne dekhaa na use hosh rahaa tan-man kaa teri aankhein hain ki jaadu hain ki mai-khaane hain dil mein vo kuchh hai ki lafzon mein adaa ho na sake vo samundar to ye TuuTe hue paimaane hain ek vo log ki sahraaon ko raunaq bakhshein ek ham hain ki bhare shahr bhi viraane hain vo bhi din the jo kiyaa kartaa thaa khud se baatein aaj 'aasi' ke baDe logon se yaaraane hain"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"