bas ek ishq vaali kahaani nikaal kar — Saif Irfan

"tum ne jo qurbaton mein ye rakkhaa hai faasla kuchh der kaa agar hai to achchhaa hai faasla khud se mile hue hamein arsa guzar gayaa ham ne bahut qarib se dekhaa hai faasla badle hain ishq ne bhi azal se hazaar rang koshish ho qurbaton ki to baDhtaa hai faasla do hi sabab hain girya ke tum se hain munsalik pahlaa tumhaaraa rabt hai duujaa hai faasla jab se mile hain tum se isi kashmakash mein hain dhokaa ye qurbatein hain yaa dhokaa hai faasla bistar ke ek chhor pe tum ho aur ik pe main kam dikh rahaa hai par baDaa lambaa hai faasla ye zindagi tabhi to dikhaati hai apne rang jab jab hamaare biich mein ghaTtaa hai faasla dikhtaa hai us kaa aks hi har shakl mein mujhe us ne ajiib Dhang se bartaa hai faasla"

"logon kaa ik hujum hai aisaa nahin hai dost bas ek tu hi shahr mein tanhaa nahin hai dost jis par ho aks thoDaa bahut mere dard kaa aisaa koi nigaah mein chehra nahin hai dost jis tarah aap aae sunaa kar chale gae utnaa bhi mukhtasar miraa qissa nahin hai dost ik baat tum se milte hi ham par ayaan hui ye dil hamaare jism kaa hissa nahin hai dost shaayad ye zindagi kaa hai ab aakhiri paDaav ab dil pe iztiraab kaa ghalba nahin hai dost kartaa rahungaa aakhiri lamhe tak intizaar is ke alaava koi bhi rasta nahin hai dost"

"hamaare haath se bas ik nazaara bantaa hai banaate kuchh bhi hain chehra tumhaaraa bantaa hai use pukaarte rahne se kuchh nahin hotaa kharaab hotaa huaa din hamaaraa bantaa hai ye dekhne ke liye us ne phir se toD diyaa ki kaise TuuTaa huaa dil dobaara bantaa hai khushi se gar tiri aankhein kabhi chamak uTThin falak pe duur kahin ik sitaara bantaa hai mudaavaa gham kaa to hotaa nahin kisi bhi tarah magar nadi kaa kahin to kinaara bantaa hai jahaan se 'saif' hamein kuchh nazar nahin aataa vahin se raasta aksar hamaaraa bantaa hai"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"bahut shaadaab ho lekin bayaabaani nahin jaati ki baam-e-auj chhune se bhi arzaani nahin jaati kai chehron ne aavaazon ne dil aabaad rakkhaa hai magar aankhon mein raqsaan hai jo viraani nahin jaati mujhe apni numu ke vaaste tum se bichhaDnaa hai tumhaare saath rahne se tan-aasaani nahin jaati main is dil ki sabhi sachchaaiyaan taslim kartaa huun magar ik baat aisi bhi hai jo maani nahin jaati hujum-e-shor-o-ghul mein kaun thaa kis ne pukaaraa thaa yahaan to apni bhi aavaaz pahchaani nahin jaati 'samir' is ishq mein insaan kyaa itnaa badaltaa hai main khud par ghaur kartaa huun to hairaani nahin jaati"

"vo tijaarat mein kahaan koi ziyaan chhoDtaa hai ruuh le letaa hai aa'saab yahaan chhoDtaa hai hai ye patthar miraa shishe se tire baalaa-tar kam se kam zulm ke maathe pe nishaan chhoDtaa hai bazm-e-anjum mein uThaa laae ho ye kis kaa diyaa nuur to kuchh nahin detaa hai dhuaan chhoDtaa hai ham se khud-sar su-e-maidaan-e-vighaa jaate hue ye nahin sochte hain kaun kahaan chhoDtaa hai 'ishq vo mo'jiza-e-kun hai nishaan jo apne jahaan hoti nahin ummid vahaan chhoDtaa hai qasr-e-fir'aun idhar aur udhar vaadi-e-misr dekhnaa ye hai kidhar aab-e-ravaan chhoDtaa hai ai khirad-baakhta shaddaad iram par tiri tuf itne saste mein koi baagh-e-jinaan chhoDtaa hai vahshatein khinch liye jaati hain sahraa mein 'safar' apni marzi se bhalaa kaun makaan chhoDtaa hai"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"kis ajab saaat-e-naayaab mein aayaa huaa huun tujh se milne main tire khvaab mein aayaa huaa huun phir vahi main huun, vahi hijr kaa dariyaa-e-amiq koi dam aks-e-sar-e-aab mein aayaa huaa huun kaise aaine ke maanind chamaktaa huaa main ishq ke shahr-e-abad-taab mein aayaa huaa huun meri har taan hai az-roz-e-azal taa-ba-abad ek sur ke liye mizraab mein aayaa huaa huun koi parchhaain kabhi jism se karti hai kalaam? be-sabab saaya-e-mahtaab mein aayaa huaa huun har guzarte hue lamhe mein Tapaktaa huaa mein dard huun, vaqt ke aasaab mein aayaa huaa huun kaisi gahraai se niklaa huun adam ki 'irfaan' kaise paayaab se taalaab mein aayaa huaa huun"