dil mein hai talab aur duaa aur tarah ki — Bushra Ejaz

"manzaron ke darmiyaan manzar banaanaa chaahiye rahnavard-e-shauq ko rasta dikhaanaa chaahiye apne saare raaste andar ki jaanib moD kar manzilon kaa ik nishaan baahar banaanaa chaahiye sochnaa ye hai ki us ki justuju hone talak saath apne khud rahein ham yaa zamaanaa chaahiye teri meri daastaan itni zaruri to nahin duniyaa ko kahne ki khaatir bas fasaanaa chaahiye phuul ki patti pe likkhun nazm jaisi ik duaa haath uThaane ke liye mujh ko bahaanaa chaahiye vasl ki koi nishaani hijr ke baaham rahe ab ke saada haath par mehndi lagaanaa chaahiye phuul khushbu rang jugnu raushni ke vaaste ghar ki divaaron mein ik rauzan banaanaa chaahiye shaam ko vaapas palaTte taaeron ko dekh kar sochti huun lauT kar ab ghar bhi jaanaa chaahiye"

"miri raat meraa charaagh meri kitaab de miraa sahraa baandh le paanv se mujhe aab de mire nukta-daan tiraa fahm apni misaal hai main huun ek saada savaal koi javaab de miri chashm-e-nam kisi ratjage mein ulajh gai miri niind oDh le raat bhar mujhe khvaab de mire goshvaare mein kaun bhartaa gayaa lahu ai miri talab mujhe har ghaDi kaa hisaab de mire bahr o bar ko sameT le mire kuza-gar mujhe an-kahi mujhe aagahi kaa azaab de"

"mohabbat mein koi sadma uThaanaa chaahiye thaa bhulaayaa thaa jise vo yaad aanaa chaahiye thaa giri thiin ghar ki divaarein to sehn-e-dil mein ham ko gharaunde kaa koi naqsha banaanaa chaahiye thaa uThaanaa chaahiye thi raakh shahr-e-aarzu ki phir is ke baad ik tufaan uThaanaa chaahiye thaa koi to baat karnaa chaahiye thi khud se aakhir kahin to mujh ko bhi ye dil lagaanaa chaahiye thaa kabhi to ehtimaam-e-aarzu bhi thaa zaruri koi to ziist karne kaa bahaanaa chaahiye thaa miri apni aur us ki aarzu mein farq ye thaa mujhe bas vo use saaraa zamaana chaahiye thaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"