fazaa mein zahr nafrat kaa ghulaa hai — Dilbar

"agar shikva 'ibaadat mein abhi bhi kar rahaa huun main to ik phuTe hue bartan mein paani bhar rahaa huun main khalaa mein jo bharaa hai dikh rahaa ye hi to hai vistaar jise khaali samajhne ki khataaein kar rahaa huun main sukhi hai vo bashar shukraana jis ke aayaa jivan mein magar is ramz se anjaan jivan bhar rahaa huun main mujhe jo kah rahe hain buund un ko ye nahin maa'lum isi ik buund se pahle mahaa-saagar rahaa huun main nahin hai khauf is dil mein kisi tufaan kaa 'dilbar' yaqin Dole na maanjhi par isi se Dar rahaa huun main"

"jo sab ke dil mein paidaa pyaar ho jaae zamin banjar gul-o-gulzaar ho jaae mire lahje mein teraa ho asar itnaa binaa bole tiraa parchaar ho jaae lagegaa har bashar phir apnaa 'aalam mein dilon se khatm gar divaar ho jaae haqiqat mein banegi duniyaa phir jannat sabhi mein gar tiraa didaar ho jaae chhape insaaniyat ki khabrein bas 'dilbar' jahaan mein aisaa har akhbaar ho jaae"

"yuun haqiqi 'ishq ki mujh par chaDhi taasir hai har bashar mein dikh rahi ab ek hi tasvir hai dekh kar bigDi hui aab-o-havaa is shahr ki bas du'aa hi lag rahi ab aakhiri iksir hai jo razaa maulaa ki ho to Thiik hai varna suno zindagaani kashmakash hai ek TeDhi khiir hai"

"mire murshid tiri rahmat se hi ye bhed jaanaa hai khudaa ki raushni se hi to raushan kul zamaana hai samajhte hain jo is tan ko makaan apnaa na vo jaanein ye miTTi kaa khilaunaa hai jo ik din Tuut jaanaa hai dikhaane par jo aae to dikhaa de buund mein saagar karishma rahnumaa kaa aankh se parda haTaanaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"aisaa to yahaan kuchh bhi nahin hadd-e-nazar tak ham ko to pahunchnaa thaa kisi khvaab-nagar tak ab paanv nahin raah mein dil thakne lagaa hai lekin hamein chalnaa to hai anjaam-e-safar tak ham shor bhi sunte hain samaaat se bahut kam aavaaz bhi jaati hai to bas hadd-e-nazar tak mumkin hai main ab sabr kaa ye peD giraa duun jab haath pahunchtaa hi nahin shaakh-e-samar tak ham apne hi mausam se parakhte hain jahaan ko maahaul kaa lete hi nahin koi asar tak main apne hi andar ki taraf chikh rahaa huun ab dekhiye jaati hai ye aavaaz kidhar tak"

"bahut shaadaab ho lekin bayaabaani nahin jaati ki baam-e-auj chhune se bhi arzaani nahin jaati kai chehron ne aavaazon ne dil aabaad rakkhaa hai magar aankhon mein raqsaan hai jo viraani nahin jaati mujhe apni numu ke vaaste tum se bichhaDnaa hai tumhaare saath rahne se tan-aasaani nahin jaati main is dil ki sabhi sachchaaiyaan taslim kartaa huun magar ik baat aisi bhi hai jo maani nahin jaati hujum-e-shor-o-ghul mein kaun thaa kis ne pukaaraa thaa yahaan to apni bhi aavaaz pahchaani nahin jaati 'samir' is ishq mein insaan kyaa itnaa badaltaa hai main khud par ghaur kartaa huun to hairaani nahin jaati"