gale mein haath the shab us pari se raahein thiin — Ameer Minai
"gale mein haath the shab us pari se raahein thiin sahar hui to vo aankhein na vo nigaahein thiin nikal ke chehre pe maidaan saaf khat ne kiyaa kabhi ye shahr thaa aisaa ki band raahein thiin firaaq mein tire aashiq ko jaa ke kal dekhaa ki vo to hech thaa kuchh ashk the kuchh aahein thiin bagule ab hain ki ghurbat hai gor-e-shaahan par saron pe chatr jilau mein kabhi sipaahein thiin hazaaron loT gae kal uThi jo vo chilman khadang mu-e-mizha barchhiyaan nigaahein thiin kiyaa ye shauq ne andhaa mujhe na sujhaa kuchh vagarna rabt ki us se hazaar raahein thiin ye zoaf hai ki nikalti nahin hain ab dil se kabhi falak se bhi unchi hamaari aahein thiin jigar mein hijr ki kal chubh rahi thiin kuchh faansein magar jo ghaur se dekhaa tiri nigaahein thiin pahunch gae sar-e-manzil chale jo chaal nai unhin mein pher thaa dekhi hui jo raahein thiin falak ke daur se duniyaa badal gai varna jahaan bane hain ye mai-khaane khaan-qaahein thiin ye zoaf ab hai ki hilnaa giraan hai qadmon ko subuk-ravi mein kabhi in ko dastgaahein thiin mushaaere se hasin kyuun na chhin le jaate rubaaiyaan miri chaugoshiya kulaahein thiin hasin zar ke hain taalib ki ab hain gird-e-'amir' gharib ham the to ye pyaar thaa na chaahein thiin"
گلے میں ہاتھ تھے شب اس پری سے راہیں تھیں سحر ہوئی تو وہ آنکھیں نہ وہ نگاہیں تھیں نکل کے چہرے پہ میدان صاف خط نے کیا کبھی یہ شہر تھا ایسا کہ بند راہیں تھیں فراق میں ترے عاشق کو جا کے کل دیکھا کہ وہ تو ہیچ تھا کچھ اشک تھے کچھ آہیں تھیں بگولے اب ہیں کہ غربت ہے گور شاہاں پر سروں پہ چتر جلو میں کبھی سپاہیں تھیں ہزاروں لوٹ گئے کل اٹھی جو وہ چلمن خدنگ موئے مژہ برچھیاں نگاہیں تھیں کیا یہ شوق نے اندھا مجھے نہ سوجھا کچھ وگرنہ ربط کی اس سے ہزار راہیں تھیں یہ ضعف ہے کہ نکلتی نہیں ہیں اب دل سے کبھی فلک سے بھی اونچی ہماری آہیں تھیں جگر میں ہجر کی کل چبھ رہی تھیں کچھ پھانسیں مگر جو غور سے دیکھا تری نگاہیں تھیں پہنچ گئے سر منزل چلے جو چال نئی انہیں میں پھیر تھا دیکھی ہوئی جو راہیں تھیں فلک کے دور سے دنیا بدل گئی ورنہ جہاں بنے ہیں یہ مے خانے خانقاہیں تھیں یہ ضعف اب ہے کہ ہلنا گراں ہے قدموں کو سبک روی میں کبھی ان کو دستگاہیں تھیں مشاعرے سے حسیں کیوں نہ چھین لے جاتے رباعیاں مری چوگوشیہ کلاہیں تھیں حسین زر کے ہیں طالب کہ اب ہیں گرد امیرؔ غریب ہم تھے تو یہ پیار تھا نہ چاہیں تھیں
गले में हाथ थे शब उस परी से राहें थीं सहर हुई तो वो आँखें न वो निगाहें थीं निकल के चेहरे पे मैदान साफ़ ख़त ने किया कभी ये शहर था ऐसा कि बंद राहें थीं फ़िराक़ में तिरे आशिक़ को जा के कल देखा कि वो तो हेच था कुछ अश्क थे कुछ आहें थीं बगूले अब हैं कि ग़ुर्बत है गोर-ए-शाहाँ पर सरों पे चत्र जिलौ में कभी सिपाहें थीं हज़ारों लोट गए कल उठी जो वो चिलमन ख़दंग मूए-ए-मिज़ा बर्छियाँ निगाहें थीं किया ये शौक़ ने अंधा मुझे न सूझा कुछ वगर्ना रब्त की उस से हज़ार राहें थीं ये ज़ोफ़ है कि निकलती नहीं हैं अब दिल से कभी फ़लक से भी ऊँची हमारी आहें थीं जिगर में हिज्र की कल चुभ रही थीं कुछ फ़ाँसें मगर जो ग़ौर से देखा तिरी निगाहें थीं पहुँच गए सर-ए-मंज़िल चले जो चाल नई उन्हीं में फेर था देखी हुई जो राहें थीं फ़लक के दौर से दुनिया बदल गई वर्ना जहाँ बने हैं ये मय-ख़ाने ख़ान-क़ाहें थीं ये ज़ोफ़ अब है कि हिलना गिराँ है क़दमों को सुबुक-रवी में कभी इन को दस्तगाहें थीं मुशाएरे से हसीं क्यूँ न छीन ले जाते रुबाइयाँ मिरी चौगोशिया कुलाहें थीं हसीन ज़र के हैं तालिब कि अब हैं गिर्द-ए-'अमीर' ग़रीब हम थे तो ये प्यार था न चाहें थीं
