hai khamoshi zulm-charkh-e-dev-paikar kaa javaab — Ameer Minai

"firaaq-e-yaar ne bechain mujh ko raat bhar rakkhaa kabhi takiya idhar rakkhaa kabhi takiya idhar rakkhaa shikast-e-dil kaa baaqi ham ne ghurbat mein asar rakhaa likhaa ahl-e-vatan ko khat to ik gosha katar rakkhaa baraabar aaine ke bhi na samjhe qadr vo dil ki ise zer-e-qadam rakkhaa use pesh-e-nazar rakkhaa miTaae dida-o-dil donon mere ashk-e-khunin ne 'ajab ye tifl abtar thaa na ghar rakkhaa na dar rakkhaa tumhaare sang-e-dar kaa ek TukDaa bhi jo haath aayaa aziiz aisaa kiyaa mar kar use chhaati pe dhar rakkhaa jinaan mein saath apne kyuun na le jaaungaa naaseh ko suluk aisaa hi mere saath hai hazrat ne kar rakkhaa na ki kis ne sifaarish meri vaqt-e-qatl qaatil se kamaan ne haath joDe tegh ne qadmon pe sar rakkhaa ghazab barse vo mere aate hi maa'lum hotaa hai jagah khaali jo paai yaar ko ghairon ne bhar rakkhaa baDaa ehsaan hai mere sar pe us ki laghzish-e-paa kaa ki is ne be-tahaashaa haath mere dosh par rakkhaa zamin mein daana-e-gandum sadaf mein ham hue gauhar hamaare ijz ne har maarka mein ham ko dar rakkhaa tire har naqsh-e-paa ko rahguzar mein sajda-gah samjhe jahaan tu ne qadam rakkhaa vahaan main ne bhi sar rakkhaa amiir achchhaa shagun-e-mai kiyaa saaqi ki furqat mein jo barsaa abr-e-rahmat jaa-e-mai shishon mein bhar rakkhaa"

"ham loTte hain vo so rahe hain kyaa naaz-o-niyaaz ho rahe hain kyaa rang jahaan mein ho rahe hain do hanste hain chaar ro rahe hain duniyaa se alag jo ho rahe hain takiyon mein maze se so rahe hain pahunchi hai hamaari ab ye haalat jo hanste the vo bhi ro rahe hain tanhaa tah-e-khaak bhi nahin ham hasrat ke saath so rahe hain sote hain lahad mein sone vaale jo jaagte hain vo ro rahe hain arbaab-e-kamaal chal base sab sau mein kahin ek do rahe hain palkon ki jhapak dikhaa ke ye but dil mein nashtar chubho rahe hain mujh daagh-nasib ki lahad par laale kaa vo biij bo rahe hain piiri mein bhi ham hazaar afsos bachpan ki niind sau rahe hain daaman se ham apne daagh-e-hasti aab-e-khanjar se do rahe hain mein jaag rahaa huun a shab-e-gham par mere nasib sau rahe hain roeinge hamein rulaane vaale Dubeinge vo jo Dubo rahe hain ai hashr madine mein na kar shor chup chup sarkaar sau rahe hain aaine pe bhi kaDi nigaahein kis par ye itaab ho rahe hain bhaari hai jo motiyon kaa maalaa aaTh aaTh aansu vo ro rahe hain dil chhin ke ho gae hain ghaafil fitne vo jagaa ke sau rahe hain hai ghair ke ghar jo in ki daavat ham jaan se haath dho rahe hain sad shukr khayaal hai usi kaa ham jis se lipaT ke sau rahe hain ho jaaein na khushk daagh ke phuul aansu un ko bhigo rahe hain aaegi na phir ke umr-e-rafta ham muft mein jaan kho rahe hain kyaa girya-e-be-asar se haasil is rone pe ham to ro rahe hain fariyaad ki naakhudaa-e-kashti kashti ko miri Dubo rahe hain kyon karte hain gham-gusaar taklif aansu mire munh ko dho rahe hain mahfil barkhaast hai patange rukhsat shamon se ho rahe hain hai kuuch kaa vaqt aasmaan par taare kahin naam ko rahe hain un ki bhi numud hai koi dam vo bhi na raheinge jo rahe hain duniyaa kaa ye rang aur ham ko kuchh hosh nahin hai so rahe hain Thahro dam-e-nazaa do ghaDi aur do chaar nafas hi to rahe hain phuul un ko pinhaa pinhaa ke aghyaar kaanTe mire haq mein bo rahe hain zaanu pe 'amir' sar ko rakkhe pahron guzre ki ro rahe hain"

"haTaao aaina ummid-vaar ham bhi hain tumhaare dekhne vaalon mein yaar ham bhi hain taDap ke ruuh ye kahti hai hijr-e-jaanaan mein ki tere saath dil-e-be-qaraar ham bhi hain rahe dimaagh agar aasmaan pe duur nahin ki tere kuche mein mast-e-ghubaar ham bhi hain kaho ki nakhl-e-chaman ham se sar-kashi na karein unhin ki tarah se baagh-o-bahaar ham bhi hain hamaare aage zaraa ho samajh ke zamzama-sanj ki ek naghma-saraa ai hazaar ham bhi hain kahaan tak aaine mein dekh-bhaal idhar dekho ki ik nigaah ke ummid-vaar ham bhi hain sharaab munh se lagaate nahin hain ai zaahid firaaq-e-yaar mein parhez-gaar ham bhi hain hamaaraa naam bhi likh lo jo hai qalam jaari qadim aap ke khidmat-guzaar ham bhi hain humaa hain gird miri haDDiyon ke aaTh pahr sag aa ke kahte hain ummid-vaar ham bhi hain jo laDkhaDaa ke gire tu qadam pe saaqi ke 'amir' mast nahin hoshyaar ham bhi hain"

"gale mein haath the shab us pari se raahein thiin sahar hui to vo aankhein na vo nigaahein thiin nikal ke chehre pe maidaan saaf khat ne kiyaa kabhi ye shahr thaa aisaa ki band raahein thiin firaaq mein tire aashiq ko jaa ke kal dekhaa ki vo to hech thaa kuchh ashk the kuchh aahein thiin bagule ab hain ki ghurbat hai gor-e-shaahan par saron pe chatr jilau mein kabhi sipaahein thiin hazaaron loT gae kal uThi jo vo chilman khadang mu-e-mizha barchhiyaan nigaahein thiin kiyaa ye shauq ne andhaa mujhe na sujhaa kuchh vagarna rabt ki us se hazaar raahein thiin ye zoaf hai ki nikalti nahin hain ab dil se kabhi falak se bhi unchi hamaari aahein thiin jigar mein hijr ki kal chubh rahi thiin kuchh faansein magar jo ghaur se dekhaa tiri nigaahein thiin pahunch gae sar-e-manzil chale jo chaal nai unhin mein pher thaa dekhi hui jo raahein thiin falak ke daur se duniyaa badal gai varna jahaan bane hain ye mai-khaane khaan-qaahein thiin ye zoaf ab hai ki hilnaa giraan hai qadmon ko subuk-ravi mein kabhi in ko dastgaahein thiin mushaaere se hasin kyuun na chhin le jaate rubaaiyaan miri chaugoshiya kulaahein thiin hasin zar ke hain taalib ki ab hain gird-e-'amir' gharib ham the to ye pyaar thaa na chaahein thiin"

"amiir laakh idhar se udhar zamaana huaa vo but vafaa pe na aayaa main be-vafaa na huaa sar-e-niyaaz ko teraa hi aastaana huaa sharaab-khaana huaa yaa qimaar-khaana huaa huaa farogh jo mujh ko gham-e-zamaana huaa paDaa jo daagh jigar mein charaagh-e-khaana huaa umiid jaa ke nahin us gali se aane ki ba-rang-e-umr miraa naama-bar ravaana huaa hazaar shukr na zaae' hui miri kheti ki barq o sail mein taqsim daana daana huaa qadam huzur ke aae mire nasib khule javaab-e-qasr-e-sulaimaan gharib-khaana huaa tire jamaal ne zohra ko daur dikhlaayaa tire jalaal se mirrikh kaa zamaana huaa koi gayaa dar-e-jaanaan pe ham hue paamaal hamaaraa sar na huaa sang-e-aastaana huaa farogh-e-dil kaa sabab ho gai bujhi jo havas sharaar-e-kushta se raushan charaagh-e-khaana huaa jab aai josh pe mere karim ki rahmat giraa jo aankh se aansu dur-e-yagaana huaa hasad se zahr tan-e-aasmaan mein phail gayaa jo apni kisht mein sarsabz koi daana huaa chune mahinon hi tinke gharib bulbul ne magar nasib na do roz aashiyaana huaa khayaal-e-zulf mein chhaai ye tirgi shab-e-hijr ki khaal-e-chehra-e-zakhmi charaagh-e-khaana huaa ye josh-e-girya huaa mere said hone par ki chashm-e-daam ke aansu se sabz daana huaa na puchh naaz-o-niyaaz us ke mere kab se hain ye husn o ishq to ab hai use zamaana huaa uThaae sadme pe sadme to aabru paai amiir TuuT ke dil gauhar-e-yagaana huaa"

"jab se bulbul tu ne do tinke liye TuTti hain bijliyaan in ke liye hai javaani khud javaani kaa singaar saadgi gahna hai is sin ke liye kaun viraane mein dekhegaa bahaar phuul jangal mein khile kin ke liye saari duniyaa ke hain vo mere sivaa main ne duniyaa chhoD di jin ke liye baaghbaan kaliyaan hon halke rang ki bhejni hai ek kam-sin ke liye sab hasin hain zaahidon ko naa-pasand ab koi huur aaegi in ke liye vasl kaa din aur itnaa mukhtasar din gine jaate the is din ke liye subh kaa sonaa jo haath aataa 'amir' bhejte tohfa moazzin ke liye"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"saanvli dhuup surmai mausam phir vahi ham hain phir vahi mausam khair ho saaebaan-e-gum-gashta jhelne paD gae kai mausam daastaan-e-tazaad hai goyaa shahr-e-khubaan samundari mausam ham ne apni bayaaz mein likkhe dil pe biite hue sabhi mausam ik ta'alluq hai 'aarzi yaa'ni mausam-e-gul hai 'aarzi mausam dil-figaaron ko kaun samjhaae lauTte kab hain makhmali mausam"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"ab tire lams ko yaad karne kaa ik silsila aur divaana-pan rah gayaa tu kahin kho gayaa aur pahlu mein teri shabaahat liye ik badan rah gayaa vo saraapaa tiraa vo tire khaal-o-khad meri yaadon mein sab muntashir ho gae lafz ki justuju mein laraztaa huaa nim-vaa saa faqat ik dahan rah gayaa harf ke harf se kyaa tazaadaat hain tu ne bhi kuchh kahaa main ne bhi kuchh kahaa tere pahlu mein duniyaa simaTti gai mere hisse mein harf-e-sukhan rah gayaa tere jaane se mujh par ye uqda khulaa rang-o-khushbu to bas teri miraas the ek hasrat saji rah gai gul-ba-gul ek maatam chaman-dar-chaman rah gayaa ek be-naam khvaahish ki paadaash mein teri palkein bhi baaham piro di gaiin ek vahshat ko sairaab karte hue mein bhi aankhon mein le kar thakan rah gayaa arsa-e-khvaab se vaqt maujud ke raaste mein ganvaa di gai guftugu ek israar ki bebasi rah gai ek inkaar kaa baankpan rah gayaa tu sitaaron ko apni jilau mein liye jaa rahaa thaa tujhe kyaa khabar kyaa huaa ik tamannaa dariche mein baiThi rahi ek bistar kahin be-shikan rah gayaa"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"