har ik musaafir ki aasthaa ko bachaa liyaa hai — Anas Nabeel

"use kah do havaadis ke bichhe hain jaal saDkon par chalaa kartaa hai jo har dam ghamanDi chaal saDkon par agar maslak ke jhagDon ne masaajid baanT rakkhi hain to phir bahr-e-khudaa apne musalle Daal saDkon par koi signal ke vaqfe tak bhi rukne ko nahin raazi ganvaa detaa hai koi hans ke saalon-saal saDkon par mashinein gaaDiyaan hi ghumti hain raat-din yaaro hamaare daur mein hai aadmi kaa kaal saDkon par bigaD jaati hai jab taqdir ki aur vaqt ki gaaDi utar aate hain sultaan ban ke phir kangaal saDkon par kunvaari koi machhli shab mein tanhaa ghar se na nikle ki shab mein phirte hain bhuke kai ghaDiyaal saDkon par nahin gar naam meraa na sahi par kam se kam ye ho miri ghazlein chalein us ke labon ki laal saDkon par chaman ki samt jaati titliyaan rah se bhaTak jaaein vo lahraa de jo gul jaise mahakte baal saDkon par 'nabil' is tarah chimTi hai kisi ki yaad is dil se jami rahti hai jaise gard ki ik shaal saDkon par"

"taazgi har shai pe aai mausam-e-barsaat mein khil uThaa zakhm-e-judaai mausam-e-barsaat mein kaise murda log phir se zinda honge dekh lo di zaminon ne gavaahi mausam-e-barsaat mein dushmanon ko ek kar de rab ki qudrat be-misaal fasl-e-baaraan dhuup laai mausam-e-barsaat mein abr tu insaan ke jaisaa adl se ghaafil na ho kyaa zamin apni paraai mausam-e-barsaat mein ThanDi purvaai chali to un ki mauj-e-zulf bhi gaal ke saahil tak aai mausam-e-barsaat mein sondhi sondhi si mahak aai to yaad aaya hamein aap kaa dast-e-hinaai mausam-e-barsaat mein vaqt jis ke saath hai tu bhi usi ke saath chal garmiyon ki kar buraai mausam-e-barsaat mein ghan-garaj kar daad dete hain tumhein baadal 'nabil' kyaa ghazal tum ne sunaai mausam-e-barsaat mein"

"khushi ke vaqt bhi vo lag rahaa thaa royaa huaa thaa baagh-e-vasl mein furqat kaa biij boyaa huaa vo raat khvaab mein aaya huaa thaa milne mujhe miraa nasib thaa bedaar main thaa soyaa huaa nayaa libaas kafan thoDi hai jo mil jaae so ham ne iid pe pahnaa libaas dhoyaa huaa vo mere saamne hai aur phone mein gum hai milaa hai barson kaa khoyaa huaa bhi khoyaa huaa tu jis ki laash ko ab jhiil se nikaaltaa hai vo bahr-e-gham mein thaa pahle tiraa Duboyaa huaa sitamgaro ye sazaaon ki fasl kaaTo ab kisi ne khuun se thaa inqalaab boyaa huaa tu yuun samajhtaa hai haqdaar khud ko shohrat kaa tujhe mare hue arsa 'nabil' goyaa huaa"

"ab havas ke khaar hain is ishq ke gul-daan mein dard ke gul sukhte hain 'mir' ke divaan mein dosti kaa girya hai ki doston ki talkh baat bhuul jaao dafn kar ke dil ke qabristaan mein eDiyaan kyaa apne sar ko bhi ragaD lein ham agar ab kabhi zamzam nahin niklegaa registaan mein sust-rau logon ko naakaami mili aksar magar tez chal kar bhi bahut se log hain nuqsaan mein apni chhat par amn ke panchhi ko daana kaun de log saare jaa chuke hain jang ke maidaan mein kuchh na fariyaadein sunein ki hai election phir qarib rahnumaaon se kaho ab tel Daalein kaan mein ishq mein dil haarne ko ik zamaana ho gayaa aur ab tak de rahe hain ashk ham taavaan mein teri har ik baat ab bhi yaad aati hai mujhe log to kahte the main huun mubtalaa nisyaan mein"

"teri dahliz par is ko muqaddas mo'atabar jaanaa magar jab aae maidaan mein to kab phir sar ko sar jaanaa yahi andaaz to ahsan ko asfal karne vaalaa hai faqat khaanaa kamaanaa aish karnaa aur mar jaanaa haqiqi ishq thaa jis ne rakhaa taarikh mein zinda kisi kaa do pahaaDon par idhar jaanaa udhar jaanaa tumhaari muntazir rahti hain buDhi shaakhein shiddat se parinde der se mat shaam ko su-e-shajar jaanaa mohabbat karne vaalon ke bhi kyaa andaaz hote hain kabhi aandhi se laD jaanaa kabhi aahaT se Dar jaanaa vahaan bachchon ke chehre dekh kar kuchh yaad aaegaa hamaare ghar jalaa kar tum ko bhi hai apne ghar jaanaa paDho pahle 'nabil' ik umr phir thaamo qalam apnaa zaruri hai chhalakne ke liye andar se bhar jaanaa"

"hue na aandhi ke aage jo sar-khamida shajar so lag rahe hain hamein apne ham-'aqida shajar bichhaD ke tujh se baDe zabt se main chal to paDaa magar rulaa gae raste ke aabdida shajar ai belo tum ko nahin khauf tum to paanv mein ho ukhaaDe jaaeinge khuddaar chida chida shajar sajaa liye nae gamle alag alag sab ne akelaa rah gayaa gulshan mein sin-rasida shajar hamesha shahr se dhutkaare jaane vaalon ko gale lagaate hain jangal ke barguzida shajar hamaare zikr pe kahte hain yuun parinde ab 'nabil' kaun vahi naa khizaan-rasida shajar"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"