hon mubaarak tum ko shaidaai bahut — Anwar Khalil

"is bhuul mein na rah ki ye jhonke havaa ke hain tevar to un ke dekh zaraa kis balaa ke hain kyaa maajraa hai ai but-e-tauba-shikan ki aaj charche tiri gali mein kisi paarsaa ke hain is chashm-e-nim-vaa ki hai masti sharaab mein saaghar mein saare rang usi ki hayaa ke hain hasti ki qaid kaaTte rahte hain raat-din kyaa jaane kitne saal hamaari sazaa ke hain ai shaikh kyaa Daraataa hai maidaan-e-hashr se ham bandagaan-e-khalq bhi bande khudaa ke hain hai khauf kuchh to mauj-e-talaatum kaa bhi magar ham log zakhm-khurda but-e-naakhudaa ke hain rahnaa paDaa hai duur karachi se varna ham is shahr-e-be-misaal ke aashiq sadaa ke hain raaij raheinge shahr-e-sukhan mein hamaare sher sikke hain ye khare ki ye qisse vafaa ke hain rakhtaa hai ik saliqa-e-izhaar mukhtalif sab mo'tarif 'khalil' ki tarz-e-adaa ke hain"

"vo ek gham ki sahaaraa thaa zindagi ke liye bhulaa rahaa huun use bhi tiri khushi ke liye to yuun khayaal ke darvaaze ham pe band na kar hazaar shahr khule honge ajnabi ke liye jahaan mein kaun bachaa hai hamaare qatl ke baad jo teri zulf machalti hai barhami ke liye khizaan kaa daur chaman mein nayaa nahin hai magar kali kali na tarasti thi taazgi ke liye har ek samt saraabon ke qaafile hain ravaan nazar nazar mein bayaabaan hai aadmi ke liye jigar ke daagh chhupaae kabhi jo ham ne 'khalil' andhere dil mein utar aae raushni ke liye"

"anjaam-e-ishq maanaa aksar buraa huaa hai be-ishq zindagi kaa anjaam kyaa huaa hai kyaa haal-e-dil sunaaein kyaa vajh-e-gham bataaein bas ye ki aaj-kal vo ham se khichaa huaa hai kyaa zikr gul-rukhon kaa is shahr ke karein ham har shakhs hi yahaan to qaatil banaa huaa hai kis kis se mil chuke hain kis kis se ab mileinge ik rog zindagi ko ye bhi lagaa huaa hai aisi 'khalil' aakhir kyaa baat ho gai hai aankhein udaas si hain chehra bujhaa huaa hai"

"dil mein viraaniyaan sisakti hain kaisi ruhein yahaan bhaTakti hain ye taaaqub mein kaun aataa hai kis ki parchhaaiyaan lapakti hain raunaqein jangalon mein girya-kunaan shahr mein aandhiyaan bilakti hain aasmaan TuuT kar nahin girtaa bijliyaan raat-bhar kaDakti hain 'ishq aaseb ho gayaa jaise khvaahishein zahr ban ke pakti hain gum hue qaafile tamannaa ke manzilein raaston ko takti hain dil mein rukti nahin tiri yaadein nok-e-mizhgaan se aa Tapakti hain khauf aataa hai jaagne se hamein varna aankhein kahaan jhapakti hain"

"ghairon kaa jaane us se kaisaa moaamla hai apnaa to is gali mein charchaa bahut rahaa hai samjho na yuun ki ham se vo jaan-e-jaan khafaa hai apni to kuchh tabiat bas yuun hi be-maza hai haan anjuman mein kam hai us ko hijaab lekin anjaan saa rahaa hai tanhaa agar milaa hai ik umr ki rifaaqat yuun khatm ho rahi hai ham us se bad-gumaan vo ham se gurez-paa hai qaidi ki tarah sonaa mujrim ki tarah uThnaa ye zindagi na jaane kis jurm ki sazaa hai"

"dil se vahshi ko shaadmaan kiyaa dida-e-tar ko did-baan kiyaa ham-qabila hamaaraa thaa suqraat zahr us ne bhi nosh-e-jaan kiyaa ishq apnaa usi ke naam rahaa husn ko saahab-e-nishaan kiyaa haan sar-e-bazm kuchh na bole ham bazm us ki thi us kaa maan kiyaa us ki itni si be-rukhi pe 'khalil' ham ne kyaa kyaa na kuchh gumaan kiyaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"