ik aur siyah raat hai is raat se aage — Javed Shaheen

"kashaakash-e-gham-e-hasti mein koi kyaa suntaa hamin tak aa na saki dil ke TuTne ki sadaa har ek phuul ke chehre pe gard jamne lagi kahin se aaj ai abr-e-bahaar jhuum ke aa chale the jis ke bharose pe rah-ravaan-e-bahaar vo maahtaab sar-e-dasht pichhli shab niklaa kahin sadaa-e-jaras hai na gard-e-raah-e-safar Thahar gayaa hai kahaan qaafila tamannaa kaa hujum-e-laala-o-gul raaste se haT jaae talaash-e-khaar mein niklaa hai koi aabla-paa guzar ke aayaa huun un sakht manzilon se jahaan tumhaari yaad kaa saaya bhi aas-paas na thaa kahin se koi pukaare ki aaj phir 'shaahin' dilon ko Dasne lagaa hai dilon kaa sannaaTaa"

"nayaa khayaal kabhi yuun dimaagh mein aayaa ki shola chaltaa huaa khud charaagh mein aayaa badan pe us ke thi shokhi bhari qabaa-e-bahaar vo ek baagh ke ham-raah baagh mein aayaa pareshaan tangi-e-jaa se hai garche duud bahut ye kam hai daagh kaa sarmaaya daagh mein aayaa kisi ne Daal diyaa shak kisi gae kal par main muD ke haal se us ke suraagh mein aayaa main sochtaa thaa use kyaa bhulaa bhi paaungaa magar ye kaam baDe hi faraagh mein aayaa vufur-e-garmi-e-andesha ne kharaab kiyaa ki baal tundi-e-mai se ayaagh mein aayaa akelaa ghumtaa phirtaa rahaa main dariyaa par vahaan se shaam Dhale ek baagh mein aayaa qarib-e-aakhir-e-shab khatm ho gai mahfil aur is ke saath dhuaan bhi charaagh mein aayaa vo mere saath thaa jab tak to Thiik thaa 'shaahin' futur baad mein us ke dimaagh mein aayaa"

"kanaar-e-dasht akele Thaharne par hogaa dilon mein khauf kaa andaaza Darne par hogaa samajhtaa hai miri aadat vo husn-e-be-parvaa sameT lungaa use jab bikharne par hogaa payaam de na saki gul kaa bu-e-sust-khiraam na jaane ab kahaan mausam guzarne par hogaa kahin pe kaai kahin habs aur kahin daldal ye haal shahr kaa paani utarne par hogaa main sochtaa huun darakhton ki chhaanv mein 'shaahin' ki tai tamaam safar sirf karne par hogaa"

"ye barf-zaar badan se na jaan se niklegaa lahu ho sard to shoala kahaan se niklegaa hazaar ghere rahe jabr kaa hisaar-e-siyah ki baab-e-raah-e-amaan darmiyaan se niklegaa jo talkh harf pas-e-lab hai 'aam bhi hogaa chaDhaa hai tiir to aakhir kamaan se niklegaa jo peD phal nahin dete vo kaaTte jaao khizaan kaa zahr yunhi gulsitaan se niklegaa zaraa chale to sahi paaniyon pe tez havaa khaDaa safina khule baadbaan se niklegaa koi to kaam lo gham se ragein hi chamkaao jaleingi sham'ein andheraa makaan se niklegaa khule hain raaston ke bhed tu samajh 'shaahin' ye kaarvaan safar-e-raaegaan se niklegaa"

"us ke liye aankhein dar-e-be-khvaab mein rakh duun phir shab ko jalaa kar unhein mehraab mein rakh duun surat hai yahi ab to guzarnaa hai yunhi vaqt jis baat ko dil chaahe use khvaab mein rakh duun phirte hain sadaa jis mein samundar bhi zamin bhi ye puuraa falak bhi usi girdaab mein rakh duun ye saare sitaare kisi dariyaa mein bahaa duun bas chaand pakaD kar kisi taalaab mein rakh duun kapDe jo mujhe tang hon pahnaa duun khalaa ko aur khvaab puraane kahin mahtaab mein rakh duun itnaa bhi na aasaan ho yahaan pyaas bujhaanaa bahtaa huaa dhoka saa kahin aab mein rakh duun sab kuchh hi ganvaa dene se behtar hai ki 'shaahin' khaashaak-e-dil-o-jaan rah-e-sailaab mein rakh duun"

"mauja-e-dard se jismon mein ravaani de jaa khushk dariyaaon nadi naalon ko paani de jaa kuchh to samjhaa de tilismaat-e-shab-o-roz mujhe in hisaaron mein koi baab-e-maaani de jaa zulmat-e-habs dil-o-jaan mein jalaa shama huaa tu kahin hai to mujhe apni nishaani de jaa main subuk-sair sahi mujh ko tu pur-khas na banaa in havaaon mein mujhe thoDi giraani de jaa naa-mukammal hai koi baab-e-chaman jin ke baghair qissa-e-gul ke vo auraaq-e-khizaani de jaa kab se be-aab hain aaine miri aankhon ke un nae chehron mein kuchh shaklein puraani de jaa aag barsaate hue din ki hadein baandh kabhi garm shaamon mein koi shaam suhaani de jaa har ghaDi dil se gurezaan hain umidein 'shaahin' in makinon ko zaraa shauq-e-makaani de jaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"