jab talak tiir tiraa aave hai nakhchir talak — Meer Hasan
"jab talak tiir tiraa aave hai nakhchir talak le ye nakhchir hi aa pahunchaa tire tiir talak dast-o-paa maare bahut chaah-e-zanakh mein dil ne haath lekin na gayaa zulf ki zanjir talak shukr-sad-shukr ki uqde yuun hi hal hote gae kaam pahunchaa na hamaaraa kabhi tadbir talak us ki surat kaa divaanaa huun ki jis kaa khat-o-khaal na gayaa maani-o-bahzaad ki tahrir talak hai yahi shauq shahaadat kaa agar dil mein to ishq le hi pahunchegaa hamein bhi tiri shamshir talak ik musalmaan kaa ji jaataa hai ulfat mein tiri jaa kahe koi ye us kaafir-e-be-pir talak jab talak zar hai to sab koi hai phir koi nahin sach hai makkhi bhi rahe hai shakar-o-shir talak is tarah baiTh gayaa khaana-e-dil meraa ki bas kaam phir us kaa na pahunchaa kabhi taamir talak khuun ho ho ke Tapaktaa hai ye sau rang se dil taa kisi rang mein pahunche tiri tasvir talak main bhi ik maani-e-pechida ajab thaa ki 'hasan' guftugu meri na pahunchi kabhi taqrir talak"
جب تلک تیر ترا آوے ہے نخچیر تلک لے یہ نخچیر ہی آ پہنچا ترے تیر تلک دست و پا مارے بہت چاہ زنخ میں دل نے ہاتھ لیکن نہ گیا زلف کی زنجیر تلک شکر صد شکر کہ عقدے یوں ہی حل ہوتے گئے کام پہنچا نہ ہمارا کبھی تدبیر تلک اس کی صورت کا دوانا ہوں کہ جس کا خط و خال نہ گیا مانی و بہزاد کی تحریر تلک ہے یہی شوق شہادت کا اگر دل میں تو عشق لے ہی پہنچے گا ہمیں بھی تری شمشیر تلک اک مسلمان کا جی جاتا ہے الفت میں تری جا کہے کوئی یہ اس کافر بے پیر تلک جب تلک زر ہے تو سب کوئی ہے پھر کوئی نہیں سچ ہے مکھی بھی رہے ہے شکر و شیر تلک اس طرح بیٹھ گیا خانۂ دل میرا کہ بس کام پھر اس کا نہ پہنچا کبھی تعمیر تلک خون ہو ہو کے ٹپکتا ہے یہ سو رنگ سے دل تا کسی رنگ میں پہنچے تری تصویر تلک میں بھی اک معنیٔ پیچیدہ عجب تھا کہ حسنؔ گفتگو میری نہ پہنچی کبھی تقریر تلک
जब तलक तीर तिरा आवे है नख़चीर तलक ले ये नख़चीर ही आ पहुँचा तिरे तीर तलक दस्त-ओ-पा मारे बहुत चाह-ए-ज़नख़ में दिल ने हाथ लेकिन न गया ज़ुल्फ़ की ज़ंजीर तलक शुक्र-सद-शुक्र कि उक़दे यूँ ही हल होते गए काम पहुँचा न हमारा कभी तदबीर तलक उस की सूरत का दिवाना हूँ कि जिस का ख़त-ओ-ख़ाल न गया मानी-ओ-बहज़ाद की तहरीर तलक है यही शौक़ शहादत का अगर दिल में तो इश्क़ ले ही पहुँचेगा हमें भी तिरी शमशीर तलक इक मुसलमान का जी जाता है उल्फ़त में तिरी जा कहे कोई ये उस काफ़िर-ए-बे-पीर तलक जब तलक ज़र है तो सब कोई है फिर कोई नहीं सच है मक्खी भी रहे है शकर-ओ-शीर तलक इस तरह बैठ गया ख़ाना-ए-दिल मेरा कि बस काम फिर उस का न पहुँचा कभी तामीर तलक ख़ून हो हो के टपकता है ये सौ रंग से दिल ता किसी रंग में पहुँचे तिरी तस्वीर तलक मैं भी इक मअनी-ए-पेचीदा अजब था कि 'हसन' गुफ़्तुगू मेरी न पहुँची कभी तक़रीर तलक
