kyaa zaruri hai shaaeri ki jaae — Asifa Nishat

"daryaaft kar liyaa hai basaayaa nahin mujhe saamaan rakh diyaa hai sajaayaa nahin mujhe kaisaa ajiib shakhs hai uTh kar chalaa gayaa barbaad ho gayaa to bataayaa nahin mujhe vo mere khvaab le ke sirhaane khaDaa rahaa main so rahi thi us ne jagaayaa nahin mujhe baazi to us ke haath thi phir bhi na jaane kyuun mohra samajh ke us ne baDhaayaa nahin mujhe us ne hazaar ahd-e-mohabbat ke baavajud jo raaz puchhti huun bataayaa nahin mujhe vo intihaa-e-shauq thi yaa intihaa-e-zabt tanhaai mein bhi haath lagaayaa nahin mujhe"

"apnaa ghar baazaar mein kyuun rakh diyaa vaaqia akhbaar mein kyuun rakh diyaa khvaab ki apni bhi ik tauqir hai dida-e-bedaar mein kyuun rakh diyaa khel mein khaana badalne ke liye apnaa mohara haar mein kyuun rakh diyaa sar bachaane tak to shaayad Thiik ho khauf ye dastaar mein kyuun rakh diyaa niind na aanaa ye raaton ko 'nishaat' dil ko is aazaar mein kyuun rakh diyaa"

"kyaa bataaun ki kis gumaan mein huun mustaqil ek imtihaan mein huun aabla-paa huun aur safar mein huun par-burida huun aur uDaan mein huun khud-sari rakh ke shaahzaadi si kuchh kanizon ke darmiyaan mein huun tu ki tufaan mujhe samajh baiThaa ghaur se dekh baadbaan mein huun aap ne khat nahin likhaa varna main to ab bhi usi makaan mein huun us ki aankhon mein Duub kar main 'nishaat' khub-surat se ik jahaan mein huun"

"hamaare beach ghazab kaa mukaalima huaa thaa phir us ke baad ye sochaa gayaa ki kyaa huaa thaa na sirf talkh bahut thaa vo nilgun bhi thaa mujhe to shak hai samundar mein kuchh milaa huaa thaa vo khat jo paDhne se pahle hi main ne phaaD diyaa agarche naam thaa mere magar khulaa huaa thaa mujhe kahaani mein kirdaar kuchh milaa aisaa the jis ke haath to aazaad munh bandhaa huaa thaa akeli rah gai donon hi mar gae jin mein mire husul ki khaatir muqaabla huaa thaa zaraa qarib jo aayaa use Dubo deinge samundaron kaa kisi se muaahida huaa thaa chalo vo duur rahegaa to bhuul jaaegaa zaraa si der mujhe ye mughaalta huaa thaa jab apni quvvat-e-goyaai kho chuki hai 'nishaat' to koi aur bataa de ki us ko kyaa huaa thaa"

"hamein taabir pahle di gai phir khvaab utre kitaab-e-zindagi ke is tarah kuchh baab utre miri aankhon se le le raushni aur nuur kar de kisi qimat pe maalik manzar-e-shab-taab utre khule bartan uThaa kar rakh diye jo baarishon mein yahaan vo rah gae khaali vahaan sailaab utre tahaaif ki jinhein ummid thi vo muntazir hain musaafir aa chukaa hai ab zaraa asbaab utre bahut aansu bahaae chaahaton ki ibtidaa mein baDi mushkil se ham par ishq ke aadaab utre samundar ne kahaani mukhtasar kar ke kahaa bas bahut girdaab utre aur bas girdaab utre khizaan se nisbatein itni puraani aur phir bhi unhi logon pe lahje is qadar shaadaab utre"

"mahv-e-hairat huun miraa khaar ne rasta dekhaa ek kirdaar kaa kirdaar ne rasta dekhaa kaun kahtaa hai talabgaar ne rasta dekhaa ek be-daar kaa bedaar ne rasta dekhaa kam-nasibi ki mulaaqaat se mahrum rahe khush-nasibi ki mire yaar ne rasta dekhaa anginat aae ruke aur ravaana bhi hue kab kisi shakhs kaa sansaar ne rasta dekhaa apne vaalon ne musibat mein bhulaayaa lekin dosti ke liye aghyaar ne rasta dekhaa main ne sachchaai ko jis roz se apnaayaa hai meraa aksar rasan-o-daar ne rasta dekhaa tujh se 'mahmud' use pyaar bahut thaa shaayad marte dam tak tire bimaar ne rasta dekhaa"

"dushmani chalti rahi yaaron ke biich phuul bhi khilte rahe khaaron ke biich ho agar imaan-e-kaamil aaj bhi raqs ho saktaa hai angaaron ke biich dosti ki chhat banaanaa chaahiye ham ko bhi rahnaa hai divaaron ke biich aap ko to chaand kahte the sabhi aap kyon dhundlaa gae taaron ke biich khud-farebi ne sahaaraa de diyaa mil gayaa iqraar inkaaron ke biich khuub hai 'muztar' kaa rang-e-shaairi khuun ki surkhi hai ghazal-paaron ke biich"

"miri jaanib nigaah-e-naaz kar aahista aahista mire dil ke jazire mein utar aahista aahista mohabbat donon jaanib hai tafaavut sirf itnaa hai idhar hai tez-rau lekin udhar aahista aahista tiri beTi kaa qad tere baraabar ho gayaa shaayad tu apni khud-kushi par ghaur kar aahista aahista sahar aai na aae vo sitaaro jaao so jaao ki ab chalte hain ham bhi apne ghar aahista aahista jo kal tak meri barbaadi ki qasmein khaate phirte the vahi ab ho rahe hain dar-ba-dar aahista aahista na jaane rah-ravaan-e-raah kaa ab hashr kyaa hogaa bhaTakte jaa rahe hain raahbar aahista aahista khudaa ke vaaste samjhaa-bujhaa kar rok le koi vo dekho jaa rahe hain ruuTh kar aahista aahista adaavat dil mein rakhnaa muskuraa kar guftugu karnaa sabhi ko aa gayaa hai ye hunar aahista aahista nimaT luun doston ki dosti se pahle ai 'hamza' to lungaa dushmanon ki bhi khabar aahista aahista"

"gila hai apne muqaddar ki be-hisi se hamein aur is se baDh ke shikaayat hai zindagi se hamein kabhi nigaar-e-lab-e-shoala-vash kaa zikr chalaa kabhi hisaar-e-gham-e-jaan milaa kisi se hamein kabhi thaa qurb mein ik iztiraab kaa aalam kabhi qaraar milaa teri be-rukhi se hamein kabhi malaal huaa iltifaat-e-paiham se kabhi khushi thi bahut tark-e-dosti se hamein kabhi gumaan ki ye duniyaa hai ik fareb-e-nazar yaqin bhi hai khudaa ke vajud hi se hamein hayaat-e-jehd-e-musalsal mein kyon hai sargardaan zaraa pataa to chale ilm-o-aagahi se hamein agarche dil ko mili thi naved-e-subh-e-jamaal najaat mil na saki shab ki tirgi se hamein khaDe hain dasht-e-balaa-khez mein barahna-paa milaa hai izn-e-safar jazba-e-khudi se hamein 'sabaa' ye kaun si manzil hai dasht-e-imkaan mein na aashnaa se gharaz hai na ajnabi se hamein"

"ek dariyaa saa musalsal hai ravaan jaante hain ham zamaane se zamaane ko yahaan jaante hain raah-e-haq par hamein rakhnaa hain akele hi qadam saath degaa na hamaaraa ye jahaan jaante hain ham ne jo baat kahi vo bhi na samjhi tum ne dost to dost ki khaamosh zabaan jaante hain laakh aaraaishein mil jaaein magar un ke baghair ghar na ho paaegaa ham se ye makaan jaante hain daa'vaa karte hain khudaa ko bhi samajhne kaa magar ham yahaan Thiik se khud ko bhi kahaan jaante hain jism ke zakhm to sab bhar gae kab ke lekin ruuh par ab bhi jo hain ham vo nishaan jaante hain 'aarzu' kyon ho hamein ‘umr-daraazi ki jab zindagi ham tire sab sud-o-ziyaan jaante hain"

"rakht-e-safar kaa main ne iraada nahin kiyaa raushan charaagh-e-manzil-e-jaada nahin kiyaa tujh se bichhaD ke aur miraa dil udaas ho milne kaa is liye abhi vaada nahin kiyaa shiddat se thaa malaal shab-e-hijr kaa magar shaane pe tere sar ko nihaada nahin kiyaa dil mutmain hai baais-e-tajdid-e-dosti us ko khafaa bhi had se ziyaada nahin kiyaa sab kuchh ataa huaa tiri rahmat se is liye dast-e-talab ko aur kushaada nahin kiyaa shaayad ki meri ruuh ko baalidgi mile khud ko rahin-e-saaghar-o-baada nahin kiyaa shaayad miri jabin ko mile izn-e-bandagi dil ke varq ko is liye saada nahin kiyaa mujh ko na tamkanat kaa ho ehsaas-e-be-ziyaan qaamat ko apne aur sitaara nahin kiyaa apni talaash mein huun 'sabaa' is liye abhi su-e-haram safar kaa iraada nahin kiyaa"