mausam-e-gul hai naqaab-e-husn uTh jaane kaa naam — Anjum Abbasi

"teri nigaah-e-naaz baDi kaargar gai mere mazaaq-e-did ko be-kaar kar gai hogaa zarur paas-e-vafaa un ko ek din bas is khayaal mein hi javaani guzar gai apne shikasta-haal kaa mumkin na thaa ilaaj tum ne nazar milaai to duniyaa sanvar gai yuun kaT gai khayaal mein un ke shab-e-firaaq ye bhi khabar banein kidhar aai kidhar gai dekhe to koi jazb-e-mohabbat kaa ye asar hir-phir ke mere dil pe hi un ki nazar gai maamur hai nigaah mein ab saari kaaenaat tanvir kis ke husn ki har su nikhar gai do-gaam bhi chale nahin tum raah-e-ishq mein sakhti-e-raah tum ko to bezaar kar gai 'anjum' kisi ki chashm-e-karam kaa ye faiz hai tufaan mein bhi ghir ke jo kashti ubhar gai"

"roz akhbaar mein chhap jaane se miltaa kyaa hai apni tashhir ke afsaane mein rakkhaa kyaa hai tum ne jis ko gham-e-ayyaam kahaa hai yaaro vo mire dard kaa hissa hai tumhaaraa kyaa hai jhun-jhune de ke mire haath mein koi mujh ko qaid-e-hasti ki sazaa de ye tamaashaa kyaa hai kal talak jo miri taarif kiyaa kartaa thaa aaj vo bhi miraa dushman hai ye qissa kyaa hai ham agar Duub bhi jaaein to ubhar sakte hain ham ko maalum hai jiine kaa saliqa kyaa hai ham ne saughaat samajh kar to use apnaayaa ab ye kyuun sochein ki is gham kaa mudaavaa kyaa hai yuun to sab log tumhein jaante honge 'anjum' aur koi bhi na jaane to bigaDtaa kyaa hai"

"zakhm mahke hain gul-rukhon ki tarah ham bhi zinda hain hasraton ki tarah tum ko khushbu banaa ke chhoDeinge ham mein bu-baas hai gulon ki tarah kitne chehre lagaae phirte hain aaj insaan raavanon ki tarah roz aab-e-hayaat piitaa huun roz martaa huun main gulon ki tarah jis ko paalaa vahi to zehn ham ko Dastaa rahtaa hai naaginon ki tarah taptaa rahtaa huun ret ke maanind koi barse to baadalon ki tarah ab kahaan jaaein kis tarah jaaein dard phailaa hai raaston ki tarah is giraani ke daur mein 'anjum' apne siine hain maqbaron ki tarah"

"zamaane bhar kaa jo fitna rahaa thaa vahi to gaanv kaa mukhiyaa banaa thaa miri shohrat ke parcham uD rah the magar main dhuup mein tanhaa khaDaa thaa hazaaron raaz the poshida mujh mein main apne aap se chhup kar khaDaa thaa bahut se log us ko dekhte the vo unche peD par baiThaa huaa thaa puraanaa thaa madaari kaa tamaashaa magar vo bhiiD thi rastaa uDaa thaa fasaadi the mire hi ghar mein 'anjum' main un ko shahr bhar mein DhunDhtaa thaa"

"sukun-o-sabr luTaa hosh kaa khazaana gayaa tumhin bataao khudaaraa ki meraa kyaa na gayaa giraai barq-e-nazar-soz baarhaa lekin mazaaq-e-did hamaaraa shikast khaa na gayaa khudaa ki zaat pe insaan ne kar diye hamle fareb-e-aql se jab aap mein rahaa na gayaa hamaare zauq-e-nazar ne to khuub kaam kiyaa chhupe hazaar tarah vo magar chhupaa na gayaa tamaam umr jalaayaa charaagh-e-dil main ne shab-e-siyaah kaa lekin ye silsila na gayaa khulus-e-dil mein hi 'anjum' kami rahi hogi ki vo qarib rahe phir bhi faasla na gayaa"

"nagri nagri ghuum rahe hain ulfat ke divaane chand paanv shikasta tan zakhmi hain haathon mein paimaane chand jiiti dhuup sisakti aahein jehd-e-musalsal zakhm-e-dil haae re us mazdur ki haalat jis ki qismat daane chand aisaa kaal na dekhaa ham ne vaise dekhe kaal bahut maikhaane mein sab hi pyaase lekin hain paimaane chand ham se ruuTh ke jaane vaale apnaa tasavvur rahne de ham ne bune hain jivan bhar mein khvaab ke taane-baane chand haan ai chaaragaro meri barbaadi kaa saamaan karo khun-e-tamannaa ki surkhi se saj jaaein kaashaane chand gham ki tapish ne bahte aansu khushk kiye hain ai 'anjum' girya-e-shabnam gulshan gulshan phir bhi bharein paimaane chand"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"