muntashir kar ke kabhi khud ko murattab kar ke — Manish Shukla

"bahalne lagi hai zaraa si nami se bharosa hi uThne lagaa tishnagi se bahut be-niyaazi dikhaai thi ham ne so vo bhi judaa ho gayaa be-rukhi se bahut din kaa ghussa utaaraa kisi ne achaanak alag ho gayaa zindagi se tumhein ham sunaate hain apni kahaani magar is kaa charchaa na karnaa kisi se tumhaare liye gham uThaane paDeinge tumhein ham ne chaahaa hai apni khushi se ab us ke palaTne kaa imkaan nahin hai vo uTh kar gayaa hai baDi be-dili se hamein aaj apne andhere mile hain mukhaatib hue hain nai raushni se"

"har lamha nam-dida rahne ki aadat le Duubi ranjida rahne ki aadat ab apnaa chehra begaana lagtaa hai ham ko thi sanjida rahne ki aadat aakhir ham ko be-zaari tak le aai har shai par girvida rahne ki aadat rafta rafta uryaani tak aa pahunche jin ko thi poshida rahne ki aadat dikh jaate hain yuun hi kuchh rangin manzar achchhi hai khvaabida rahne ki aadat ham haami hain sidhi-saadi baaton ke aur us ko pechida rahne ki aadat aakhir-kaar varaq ke chithDe kar degi har mausam bosida rahne ki aadat"

"hausla ab naa-tavaan hone lagaa main sharik-e-kaarvaan hone lagaa be-khudi had se ziyaada baDh gai apne hone kaa gumaan hone lagaa ab miri barbaadiyaan nazdik hain ab main khud par mehrbaan hone lagaa ab main us ki dastaras mein aa gayaa ab vo mujh se bad-gumaan hone lagaa jab main khud se faasla rakhne lagaa tab se mujh pe main 'ayaan hone lagaa bujhte suraj ne na jaane kyaa kahaa shaam kaa chehra dhuaan hone lagaa chaand taare aasmaan par aa gae raat kaa qissa ravaan hone lagaa"

"aankhon ko pur-nam hasrat kaa darvaaza vaa rakkhaa hai apne TuuTe khvaab ko ham ne ab tak zinda rakkhaa hai 'ishq kiyaa to Tuut ke ji bhar nafrat ki to shiddat se apne har kirdaar kaa chehra ham ne ujlaa rakkhaa hai jo aayaa baazaar mein vo bas jaanch-parakh kar chhoD gayaa ham ne khud ko soch-samajh kar thoDaa mahngaa rakkhaa hai thaa e'laan kahaani mein ik roz nadi bhi aaegi ham ne is ummid mein ab tak khud ko pyaasaa rakkhaa hai aksar shirin ki chaahat ne koh-kani karvaai hai aksar parbat ke siine par ham ne tesha rakkhaa hai ham se baatein karne vaale uljhan mein paD jaate hain ham ne apne andar khud ko itnaa bikhraa rakkhaa hai tum ne lahja miThaa rakh kar tikhi baatein boli hain ham ne baatein miThi ki hain lahja tikhaa rakkhaa hai duniyaa vaalon ne to puuri koshish ki Thukraane ki lekin apni zid mein ham ne khud ko manvaa rakkhaa hai"

"kitni shiddat se talab karte hain ham har tamanna jaan-ba-lab karte hain ham jaane kyon aksar ye lagtaa hai hamein kaam saare be-sabab karte hain ham zindagi ko aaj tak samjhe nahin ab talak naam-o-nasab karte hain ham aarzu ham ko tabassum ki magar aansuon kaa bhi adab karte hain ham jin zaminon par koi chaltaa nahin un zaminon par ghazab karte hain ham log hairaani se takte hain hamein kaam hi aise 'ajab karte hain ham"

"tamaashaa khatm ho jaane ke thoDaa baa'd aate ho tabhi har bazm se tum baarhaa naashaad aate ho jahaan par shaad rahnaa hai vahaan ghamgin rahte ho jahaan ghamgin honaa hai vahaan se shaad aate ho kabhi tum mauj-e-dariyaa ki tarah sairaab dikhte ho kabhi tum khushk honThon par liye fariyaad aate ho tumhaare hijr ke maare hue ghamgin to honge tum apne hijr ke maare huon ko yaad aate ho bahut din tak bhaTaktaa huun akelaa hi khalaaon mein magar phir tum achaanak bar-sar-e-rudaad aate ho haqiqat mein mire gham mein izaafa kar ke jaate ho bazaahir chaaraagar tum baa'is-e-imdaad aate ho ye digar baat hai hans kar nazar-andaaz karte hain hamein tum yaad to aksar dil-e-barbaad aate ho"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"