na aarzu-e-jafaa ba-qadam nikaal ke chal — Javed Lakhnvi

"gardish mein aaina ho na kyuun rozgaar kaa chullu mein khuun liye huun dil-e-be-qaraar kaa bhaDki hui thi surkh gulon se chaman mein aag daaman na jal gayaa ho nasim-e-bahaar kaa aae hain le ke ghair ko vo puchhne mizaaj tum ne gila kiyaa thaa dil-e-be-qaraar kaa mahshar ki bhi umiid pe be car jaan di kyaa e'tibaar vaada-e-be-e'tibaar kaa itni to aarzu hai kabhi yaad kar lein dost shaayad kabhi phir aae zamaana bahaar kaa saaghar ubal rahe hain to shishon mein josh hai niklaa hai khich ke dam jo kisi baada-khvaar kaa tum aae kyaa ki rang-e-zamaana badal gayaa gul ho gayaa charaagh hamaare mazaar kaa tasvir ki ragon mein lahu dauDne lagaa kyaa aa gayaa jahaan mein mausam bahaar kaa"

"dil-e-sozaan-e-aashiq makhzan-e-rang-e-vafaa hogaa vo hissa qadr ke qaabil hai jitnaa jal gayaa hogaa chale the dard ko sun kar thame ye kah ke raste mein na jaanaa ab munaasib hai vo kab kaa mar gayaa hogaa ye ik bose pe itni bahs ye zebaa nahin tum ko nahin hai yaad mujh ko khair achchhaa le liyaa hogaa chhiDi thiin husn ki bahsein idhar chaand aur idhar tum the kisi ko dekh kar be-parda koi chhup gayaa hogaa andhere ghar ki kuchh parvaa nahin hai tira-bakhton ko tum aao qabr par raushan charaagh-e-naqsh-e-paa hogaa muravvat ki to surat bhi nahin dekhi un aankhon ne agar dhamkaaun marne par to kah degaa ki kyaa hogaa tamaashaa jaankani kaa kyuun na dekhaa dekh to lete ragein jitni khichi thiin dam bhi utnaa hi khichaa hogaa tum aao dekhne vaalaa nahin koi sar-e-madfan charaagh-e-qabr afsurda thaa kab kaa bujh gayaa hogaa abhi to aag siine mein kahin kam hai kahin zaaid agar mil jaaeinge aapas mein sab chhaale to kyaa hogaa chamak uTThi jo mere zakhm-e-dil mein kyaa qayaamat hai falak par chaand niklaa hogaa yaa koi hinsaa hogaa hamin se puchh lo kaise ho tum aur husn kaisaa hai agar aaine ko dam bhar na dekhoge to kyaa hogaa gham-e-furqat kaa kyaa shikva qayaamat aane vaali hai khudaa ke saamne aakhir to ik din saamnaa hogaa yahi 'jaaved' behtar hai ki ab tauba se kar tauba vahi chhup kar piyegaa mai jo tum saa paarsaa hogaa"

"zindagi kaa mazaa nahin miltaa but mile to khudaa nahin miltaa manzil-e-aakhiri hai qabr miri ab koi raasta nahin miltaa khugar-e-zulm ho gayaa aisaa mujh ko lutf-e-vafaa nahin miltaa nigah-e-yaas se kise dekhun dil-e-dard-aashnaa nahin miltaa baat itni na umr bhar samjhe kyaa milaa aur kyaa nahin miltaa jis ko 'jaaved' us ne khoyaa hai usi dil kaa pataa nahin miltaa"

"ab tak to kami kuchh na hui daagh-e-jigar mein barson se charaagh ek hi jaltaa rahaa ghar mein zaahir mein hanse vo magar aansu nikal aae thaa koi asar bhi mire marne ki khabar mein rang uDne na dungaa tiri tasvir ke rukh se baaqi abhi kuchh khuun ke khatre hain jigar mein tausi-e-khayaalaat ki had mil nahin sakti chhoTaa saa bayaabaan nazar aa jaataa hai ghar mein ab baDh nahin saktaa gham-e-duniyaa ye khushi hai zakhmon ki jagah tak nahin baaqi hai jigar mein in ankhDiyon ke surkh main Dore nahin bhulaa ye bijliyaan aisi hain jo ab tak hain nazar mein naa-vaaqif-e-anjaam kaa dil hotaa hai kitnaa khud ro diyaa dekhe jo kabhi zakhm jigar mein us daur mein aap aae the ai hazrat-e-'jaaved' jis ahd mein kuchh farq na thaa aib-o-hunar mein"

"thi chaal hashr mein bhi qayaamat huzur ki sach puchhiye to jheinp gai aankh huur ki sach hai ki raaz-e-vasl chhupaanaa nahin hai sahl main kyaa kahun jo kahti hai chitvan huzur ki jaane se dil ke kyuun na ho viraan bazm-e-aish shab bhar isi se rahti thi baatein huzur ki ghash aaj aa gayaa hai khudaa jaane kal ho kyaa muusaa ab aur sair karo koh-e-tur ki jannat mein puchhte hue 'jaaved' ham chale dukaan kis taraf hai sharaab-e-tahur ki"

"baDhaa hai soz-e-jigar ab madad ko aae koi ghazab ki aag lagi hai zaraa bujhaae koi paDi hai dil ko mire khud bhi aadat-e-fariyaad ye chheDtaa hai har ik ko ki phir sataae koi sunaae jaate hain ham qissa-e-gham-e-furqat khudaa kare ki na mahfil mein muskuraae koi taDap vo hijr ki thi ab ye maut ki hai taDap jo dekhnaa ho to ab aa ke dekh jaae koi jinhein ye dekh ke taab aati hai vo aur hain log ham apne munh ko phiraate hain muskuraae koi"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"