naqsh-bar-aab ho gayaa huun main — Ejaz Rahmani

"vaqt kaa daaman tang hai lekin meraa daaman tang nahin dhuup ke Dar se jo uD jaae rang vo meraa rang nahin bedaari kaa 'aalam mujh ko khvaab kaa mausam lagtaa hai hairat hai aaj un haathon mein aaina hai sang nahin bahne vaalaa saDkon par ye kis kaa lahu hai meraa hai main to apnaa qaatil khud huun ghair se meri jang nahin chikh uTheinge saare parbat tesha koi laae to aisaa kaun saa patthar hai jis patthar mein aahang nahin jab tak us ke qurb ki khushbu haasil thi main zinda thaa vo jo nahin to yuun lagtaa hai koi bhi mere sang nahin pahle apne qad ko dekhein phir mujh par tanqid karein un kaa zikr bhi kyon karte ho jo mere paasang nahin honTon par kuchh lafz shikasta jumle bhi be-rabt 'e'jaaz' dil ki baat sunaaun kaise kahne kaa bhi Dhang nahin"

"raahbar so gae ham-safar so gae kaun jaagegaa ham bhi agar so gae gesu-e-vaqt ab kaun suljhaaegaa be-khabar jaag uThe baa-khabar so gae is haqiqat se inkaar mumkin nahin so gai qaum jab dida-var so gae miT gayaa dil se kyaa khauf-e-daar-o-rasan log phulon pe kyaa soch kar so gae apni barbaadiyaan apne haathon huiin jaagnaa thaa hamein ham magar so gae be-gharon ko takalluf se kyaa vaasta niind aai sar-e-rahguzar so gae vo gae ghar ki raa'naaiyaan bhi gaiin yuun lagaa jaise divaar-o-dar so gae"

"miT gayaa gham tire takallum se lab hue aashnaa tabassum se kis ke naqsh-e-qadam hain raahon mein jagmagaate hain maah-o-anjum se hai zamaana baDaa zamaana-shanaas kabhi mujh se gilaa kabhi tum se naakhudaa bhi milaa to aisaa milaa aashnaa jo nahin talaatum se us ne aa kar mizaaj puchh liyaa ham to baiThe hue the gum-sum se naakhudaa ne Dubo diyaa un ko vo ki jo bach gae talaatum se zindagi haadson ki zad mein hai koi kaise bache tasaadum se saaya-e-gul mein baiThne vaalo guftugu hogi daar par tum se main ghazal kaa asiir huun 'ejaaz' sher paDhtaa huun main tarannum se"

"saae mein aablon ki jalan aur baDh gai thak kar jo baiThe ham to thakan aur baDh gai kal is qadar thaa habs hamaare makaan mein sanki havaa zaraa to ghuTan aur baDh gai kaanTon ki guftugu se khalish dil mein kam na thi phulon ke tazkire se chubhan aur baDh gai ye baaghbaan hamaare lahu kaa kamaal hai nairangi-e-bahaar-e-chaman aur baDh gai ye hijr ki hai aag mizaaj us kaa aur hai ashkon se shoalagi-e-badan aur baDh gai sairaab kar sakaa na use meraa khuun bhi kuchh tishnagi-e-daar-o-rasan aur baDh gai harf-e-sipaas pesh kiyaa jab bhi vo milaa lekin jabin pe us ki shikan aur baDh gai tahrir ki jo ek ghazal us ke naam par 'ejaaz' aabru-e-sukhan aur baDh gai"

"rang mausam ke saath laae hain ye parinde kahaan se aae hain baiTh jaate hain raah-rau thak kar kitne himmat-shikan ye saae hain dhuup apni zamin hai apni peD apne nahin paraae hain apne ahbaab ki khushi ke liye bilaa-iraada bhi muskuraae hain dushmanon ko qarib se dekhaa doston ke fareb khaae hain ham ne toDaa hai zulmaton kaa fusun raushni ke bhi tiir khaae hain dekh le muD ke mahv-e-aaraaish aaina ban ke ham bhi aae hain pai-ba-pai raah ki shikaston ne hausle aur bhi baDhaae hain zindagi hai usi kaa naam 'e'jaaz' hain vo apne jo gham paraae hain"

"zaalim se mustafaa kaa amal chaahte hain log sukhe hue darakht se phal chaahte hain log kaafi hai jin ke vaaste chhoTaa saa ik makaan puchhe koi to shish-mahal chaahte hain log saae ki maangte hain ridaa aaftaab se patthar se aaine kaa badal chaahte hain log kab tak kisi ki zulf-e-pareshaan kaa tazkira kuchh apni uljhanon kaa bhi hal chaahte hain log baar-e-gham-e-hayaat se shaane hue hain shal uktaa ke zindagi se ajal chaahte hain log rakhte nahin nigaah taqaazon pe vaqt ke taalaab ke baghair kanval chaahte hain log jis ko bhi dekhiye hai vahi dushman-e-sukun kyaa daur hai ki jang-o-jadal chaahte hain log darkaar hai najaat gham-e-rozgaar se mirrikh chaahte hain na zuhal chaahte hain log 'ejaaz' apne ahd kaa main tarjumaan huun main jaantaa huun jaisi ghazal chaahte hain log"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"