phir chaman mein bahaar de maulaa — Mukhtar Kukravi

"rahegaa yaad tu jab tak hayaat baaqi hai ki teri yaadon ki ik kaaenaat baaqi hai guzar rahaa hai ye be-rang zindagi kaa safar na din hi baaqi rahaa hai na raat baaqi hai tumhaari yaad ke raushan charaagh har su hain shab-e-firaaq se milni najaat baaqi hai abhi na bazm-e-sukhan se uThaaiye mujh ko kisi nazar kaa abhi iltifaat baaqi hai na kaam aai hamaare jo karbalaa mein kabhi balaa se apni jo mauj-e-furaat baaqi hai tamaam umr chale ishq ki Dagar 'mukhtaar' magar safar mein abhi pul-siraat baaqi hai"

"udaasiyon kaa hamaari sabab tumhin to the hamaari fikr mein bas roz-o-shab tumhin to the hamein gharaz hi na thi aur kuchh bhi duniyaa mein hamaari ziist ki pahli talab tumhin to the jo guzre baagh se titli labon pe aa baiThi hazaaron phuul the par ghuncha-lab tumhin to the kisi ke aane se ham ko koi khushi na mili hamaare vaaste bazm-e-tarab tumhin to the karun bayaan bhi kyaa main dil-e-shikasta kaa jigar mein tum the mire zer-e-lab tumhin to the hamein umid-e-mudaavaa kisi se kyon hoti hamaare dard-e-jigar kaa matab tumhin to the kisi ne tum se adaavat rakhi to kyaa 'mukhtaar' agarche dahr mein ik be-adab tumhin to the"

"kaise kah dein halaal kuchh bhi nahin us kaa husn-o-jamaal kuchh bhi nahin kyon vo hi hai mire tasavvur mein jis ko meraa khayaal kuchh bhi nahin tanhaa rahne ki jis ko aadat hai us ko hijr-o-visaal kuchh bhi nahin koi jaataa hai to chalaa jaae us kaa mujh ko malaal kuchh bhi nahin baat bas mujh se vo nahin kartaa us kaa mujh se vabaal kuchh bhi nahin us ki shokhi bayaan ho kaise us ke aage ghazaal kuchh bhi nahin bakhsh di us ne sirf tanhaai gul anguThi rumaal kuchh bhi nahin ye sukhan rab ki hi inaayat hai is mein meraa kamaal kuchh bhi nahin chaar-su dekho hai bapaa mahshar dost ahl-o-ayaal kuchh bhi nahin hai jo 'mukhtaar' us badan mein mahak rang khushbu gulaal kuchh bhi nahin"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"