shaam aai hai liye haath mein yaadon ke charaagh — Ajay Sahaab

"dhire dhire dard kaa ye zaaiqa baDhtaa gayaa jitne bhi aansu mile utnaa nasha baDhtaa gayaa vo bhi kuchh kahte rahe aur ham bhi kuchh kahte rahe phir bhi kyon khaamoshiyon kaa daaera baDhtaa gayaa jis ki qurbat mein guzaari ham ne saari zindagi jaane kyon apnaa usi se faasla baDhtaa gayaa jitnaa duniyaa ne sataayaa jitne us ne gham diye utnaa hi jiine kaa meraa hausla baDhtaa gayaa dauD mein shaamil rahaa main phir bhi kuchh aisaa huaa meri qimat par hamesha dusraa baDhtaa gayaa jo mire jaisaa na ho us ko nahin jiine kaa haq har taraf ye nafraton kaa falsafa baDhtaa gayaa"

"meri tanhaai ne chup-chaap guzaarish kar di raat ne aankhon mein phir khvaab ki baarish kar di jab bulaayaa inhein ye dauD ke aaiin phir se mujh pe phir se tiri yaadon ne navaazish kar di jab ke maa'lum thaa duniyaa mein mohabbat hi nahin dil ne phir se vahi naadaan si khvaahish kar di aisi mahfil mein jahaan dil kaa dhDaknaa thaa gunaah ham ne jazbaat ki be-kaar numaaish kar di"

"hai mire hind ki tahzib ki paikar urdu apni mushtarka viraasat ki hai dukhtar urdu is ke har lafz mein tahzib ki nuraani hai lafz-e-taabaan liye hai mehr-e-munavvar urdu mulk mere kabhi mahsus kiyaa hai tu ne teri guftaar mein aa jaati hai aksar urdu 'mir' o 'ghaalib' hon yaa 'saahir' se nagine kitne tu ne ham ko diye mumtaaz sukhanvar urdu tere shaidaai hain phulon se tujhe Dhak leinge tujh pe aaeinge siyaasat ke jo patthar urdu hind ki khaak kaa har rang milaa hai tujh mein saari nadiyon se bani hai tu samundar urdu mujh ko ab sirf usi din ki tamanna hai 'sahaab' boli jaaegi mire mulk mein ghar ghar urdu"

"ye miri ghazal kaa mizaaj hai kabhi aag hai kabhi phuul hai kabhi qahqahon kaa hai qaafila kabhi aansuon se malul hai jo de pyaar tu use pyaar de jo de dard us ko mu'aaf kar yahi zindagi kaa hai qaaeda yahi dosti kaa usuul hai yahaan sab hai teraa diyaa huaa miraa jaam bhi miri pyaas bhi tire haath se jo mile agar mujhe tishnagi bhi qubul hai tu chalaa gayaa mujhe chhoD kar mujhe bhulne ki umiid mein mujhe bhuul paaegaa tu kabhi tiraa sochnaa tiri bhuul hai ye tamaddunon ke charaagh saa ye vatan miraa kisi baagh saa jise chhu ke ruuh mahak uThi mire hind vo tiri dhuul hai"

"tiraa hi naam kaafi hai to ghairon kaa bayaan kyon ho nae kirdaar se bojhal ye meri daastaan kyon ho tire bhi paanv baDhte hain miri baahein bhi phaili hain to phir ye faasla itnaa hamaare darmiyaan kyon ho agar hai raahbar saadiq to koi raah dikhlaae jo bhaTke dar-ba-dar aise vo mir-e-kaarvaan kyon ho ho dil mein gham magar pur-nam na ho aankhein kabhi teri chhupaa hai dil mein jo dariyaa vo aankhon se ravaan kyon ho zaraa bazm-e-sukhan dekhe miraa meyaar-e-fan logo diyaa hai jo khudaa ne fan mujhe vo raaegaan kyon ho kai kohsaar dard-o-gham ke duniyaa mein uThaane hain to phir ye hijr ki shab ek mujh par sargiraan kyon ho ye achchhaa hai ki soz-e-ishq mein chup-chaap jal jaaein faqat tashhir ki khaatir 'sahaab' itnaa dhuaan kyon ho"

"tanhaaiyon mein ashk bahaane se kyaa milaa khud ko diyaa banaa ke jalaane se kyaa milaa mujh se bichhaD ke ret saa vo bhi bikhar gayaa us jaane vaale shakhs ko jaane se kyaa milaa ab bhi mire vajud mein har saans mein vahi main sochtaa huun us ko bhulaane se kyaa milaa tu kyaa gayaa ki dil miraa khaamosh ho gayaa in dhaDkanon ke shor machaane se kyaa milaa apne hi ek dard kaa chaara na kar sake saare jahaan kaa dard uThaane se kyaa milaa jis ke liye likhaa use vo to na sun sakaa vo giit mahfilon ko sunaane se kyaa milaa un kaa har ek harf hai dil par likhaa huaa us dost ke khaton ko jalaane se kyaa milaa socho zaraa ki tum ne zamaane ko kyaa diyaa kyuun sochte ho tum ko zamaane se kyaa milaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"