soe huon mein khvaab se bedaar kaun hai — Sajjad Baqar Rizvi

"yahi sunte aae hain ham-nashin kabhi ahd-e-shuq-e-kamaal mein koi shahr shahr-e-vafaa bhi thaa usi sar-zamin-e-khayaal mein mire dil ke khuun ki misl thaa tujhe yaad hai mire dilrubaa koi rang rang-e-hinaa bhi thaa tire naqsh-haa-e-jamaal mein na vo jhaanknaa hai gali gali na vo taaknaa hai kali kali na kasak hai hijr ke dard mein na damak hai shauq-e-visaal mein koi ik chamak mire dil ko de ki safar hudud-e-zamaan kaa hai koi ek saaat-e-raushni miri gardish-e-mah-o-saal mein mujhe sharq-o-gharb se kaam kyaa ki maqaam-e-shauq guzar gayaa ye khilaae dil ke hain daaere ye safar hai ab miraa haal mein vo jo raah-e-zulm pe aandhiyon mein charaagh le ke nikal paDe vo zavaal-e-asr ke sar-buland kahaan hain asr-e-zavaal mein ye jo tirgi kaa tilism hai yahi raushni kaa bhi ism hai huaa 'baaqar' aap ke qaul kaa bhi shumaar qaul-e-muhaal hai"

"tire taghaaful se hai shikaayat na apne miTne kaa koi gham hai ye sab ba-zaahir bajaa hai lekin ye aankh kyuun aaj meri nam hai nai umangon ko saath le kar ravaan huun phir jaada-e-vafaa par magar hai ehsaas-e-naa-muraadi ki sahmaa sahmaa saa har-qadam hai miri ummidon ko raund kar ab miri khushi ki hai tum ko parvaa ye kyaa nayaa ruup tum ne dhaaraa ye kyaa koi nit-nayaa bharam hai tumhein vo lamhe to yaad honge ki jab tumhein yaad the ye fiqre tumhein mire sar kaa vaasta hai tumhein miri jaan ki qasam hai vo mehrbaan kyuun hue hain mujh par vo puchhte hain to kah do 'nayyar' huzur zinda huun ji rahaa huun baDi navaazish baDaa karam hai"

"zahr in ke hain mire dekhe hue bhaale hue ye to sab apne hain zer-e-aastin paale hue un ke bhi mausam hain un ke bhi nikal aaeinge Dank be-zarar se ab jo baiThe hain sipar Daale hue chaak si kar jo hare mausam mein iThlaate phire khushk-saali mein vo tere chaahne vaale hue baDh ke jo manzar dikhaate the kabhi sailaab kaa ghaT ke vo dariyaa zamin par reingte naale hue kaise kaise naa-gahaani haadse likkhe gae yaad ke pahle varaq kis kis tarah kaale hue kuchh udaasi ban ke phaile us ke rukhsaaron ke gird kuchh siyah baadal ke TukDe chaand ke haale hue pahle ro lete the ab galiyon ke pheron kaa hai shaghl pahle jo aansu the ab vo paanv ke chhaale hue chhalki har mauj-e-badan se husn ki dariyaa-dili bul-havas kam-zarf do chullu mein matvaale hue khul gae to bu-e-maani har taraf uDti phiri band ho kar lafz 'baaqar' nutq par taale hue"

"andhere din ki safaarat ko aae hain ab ke hain kitni raushaniyaan ishtihaar mein shab ke yahaan to dekh liye ham ne hausle sab ke mile na dost na dushman hi apne mansab ke bas ek baat pe naakaamiyon ne gher liyaa zabaan se aae labon tak na harf matlab ke jo lab-kushaada the vo muddai bane lekin jo dil-kushaada the vo kaam aa gae sab ke ik aah-e-khushk hi apne nasib mein nikli bahut hi shor sune jazba-e-labaa-lab ke judaaiyaan to muqaddar hain lekin ik gham-e-hijr ajiib phuul se saathi bikhar gae ab ke bhaTak rahaa hai dayaar-e-khirad mein kyuun gham-e-dil gharon ko lauT chuke saare baa-vafaa kab ke zamin-e-sakht mein lafzon ke gul khilaae hain ghazal kahi to hue qaail apne kartab ke hazaar us ne bhi chakkar diye magar 'baaqar' rahe na ham bhi kabhi aasmaan se dab ke"

"tere shaidaa bhi hue ishq-e-tamaashaa bhi hue tere divaane tire shahr mein rusvaa bhi hue zulf to zulf hai duniyaa se bhi uljhe hain ki ham ik bagulaa bhi bane haamil-e-sahraa bhi hue tum to sun paae na aavaaz-e-shikast-e-dil bhi kuchh hamin the ki harif-e-gham-e-duniyaa bhi hue ham faqiraan-e-mohabbat ke ajab tevar hain razm-e-kaaba bhi bane bazm-e-kalisaa bhi hue miT ke ham khaak hue khaak-e-rah-e-ku-e-butaan ban ke ham haasil-e-sad-bazm-e-tajalli bhi hue pesh-e-khurshid-e-rukhaan zarra-e-naachiz rahe aur ham ru-kash-e-husn-e-rukh-e-zebaa bhi hue zinat-e-mahfil-e-sad-zohraa-jabinaan hue ham haan magar ye ki bhari bazm mein tanhaa bhi hue yuun to 'baaqar' bhi rahe khaak-nashinon mein tire ye alag baat tire lutf se yaktaa bhi hue"

"kyaa 'ishq kaa lein naam havas 'aam nahin hai andhon ko andhere mein koi kaam nahin hai thaa jaam to is aas pe baiThe the ki mai aae mai aai to rindon ke liye jaam nahin hai jiite ho to jiine kaa 'evaz ziist se maango maut apnaa muqaddar hai ye in'aam nahin hai kaT jaaegi ye raat guzaaro kisi karvaT ab subh se pahle to koi shaam nahin hai jiite the ki sar-e-dosh pe thaa baar-e-garaan thaa marte hain ki sar par koi ilzaam nahin hai yaan raushani-e-subh to vaan nikhat-e-gul hai yuun husn-e-gurezaan kaa koi naam nahin hai khud vaqt ko miltaa hai sukun teri gali mein sunte hain vahaan gardish-e-ayyaam nahin hai saaya huun magar mehr-e-darakhshaan se hai nisbat zulmat huun par andhon se mujhe kaam nahin hai 'baaqar' se nahin 'izzat-e-saadaat pe kuchh harf 'aashiq to banaa phirtaa hai badnaam nahin hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"