talkhi-e-mai mein zaraa talkhi-e-dil bhi gholein — Krishn Adeeb

"saahilon ki khaamushi ne jab fasurda kar diyaa khvaahishon ki kashtiyon ko gharq-e-dariyaa kar diyaa jism kyaa thaa lazzaton kaa ek dariyaa thaa kabhi har kisi ne pi ke jis ko aaj sahraa kar diyaa aaj baiThe tak rahe hain umr kaa khaali gilaas mausamon kaa mai-kada ye kis ne suunaa kar diyaa main barahna jism us kaa oDh kar phirtaa rahaa jaama-poshi ke junun ne mujh ko nangaa kar diyaa thaa yaqinan doston ki saf mein ik dushman miraa be khabar paa kar achaanak jis ne hamla kar diyaa soch ki saari basirat chhinne vaale bataa tu to suraj thaa miraa kyuun mujh ko andhaa kar diyaa vo jo kal tak maangte the mujh se qad meraa 'adib' sher ke naaqid ne un ko mujh se unchaa kar diyaa"

"dhimaa dhimaa dard suhaanaa ham ko achchhaa lagtaa thaa dukhte ji ko aur dukhaanaa ham ko achchhaa lagtaa thaa zakhm ko apne phuul samajhnaa moti kahnaa ashkon ko ishq kaa kaarobaar sajaanaa ham ko achchhaa lagtaa thaa din din bhar aavaara phirnaa ek hamaari aadat thi raat gae ghar lauT ke aanaa ham ko achchhaa lagtaa thaa baiTh ke yaaron ki mahfil mein piite rahnaa der talak apne-aap ko bhuul hi jaanaa ham ko achchhaa lagtaa thaa chup chup rahnaa aahein bharnaa kuchh bhi na kahnaa logon se tanhaa tanhaa ashk bahaanaa ham ko achchhaa lagtaa thaa shaakh se TuuTe sukhe patte tez havaa ke shaanon par shahron shahron khaak uDaanaa ham ko achchhaa lagtaa thaa shahr-e-gham ki ek udaasi dil mein har-dam rahti thi divaaron se sar Takraanaa ham ko achchhaa lagtaa thaa gul-badanon ko takte rahnaa baatein karnaa khushbu ki nigah-e-gul kaa qarz chukaanaa ham ko achchhaa lagtaa thaa nashsha-e-gham ki sarshaari bhi kam to nahin thi phir bhi 'adib' talkhi-e-mai mein zahr milaanaa ham ko achchhaa lagtaa thaa"

"madrasa aavaargi aur haath mein basta na thaa jo kitaabon mein hai likkhaa us ko vo paDhtaa na thaa yuun to darvaaze khule the saare us ke vaaste vo musaafir raaston kaa ek jaa Thahraa na thaa jo sunaataa thaa kabhi aab-e-ravaan ki daastaan us ke honTon kaa muqaddar os kaa qatra na thaa tishnagi hi tishnagi thi aur sahraa ke saraab aankh paani par thi lekin saamne dariyaa na thaa chhoD aayaa thaa jise main khud anaa ke zo'm mein phir palaT kar us ko main ne 'umr bhar dekhaa na thaa mere haathon mein hai khushbu us ke haathon ki 'adib' jism jis kaa chhu ke main ne aaj tak dekhaa na thaa"

"go jaam miraa zahr se labrez bahut hai kyaa jaaniye kyuun piine se parhez bahut hai show-case mein rakkhaa huaa aurat kaa jo but hai gungaa hi sahi phir bhi dil-aavez bahut hai ash'aar ke phulon se ladi shaakh-e-tamannaa miTTi mire ehsaas ki zarkhez bahut hai khul jaataa hai tanhaai mein malbus ki maanind vo rashk-e-gul-e-tar ki kam-aamez bahut hai mausam kaa taqaaza hai ki lazzat kaa badan chuum khvaahish ke darakhton mein havaa tez bahut hai aankhon mein liye phirtaa hai khvaabon ke jazire vo shaair-e-aashufta jo shab-khez bahut hai"

"sar-phiri paagal havaa kaa tez jhonkaa aaegaa hasraton ke khushk patton ko uDaa le jaaegaa dudhiyaa aakaash mein kis ko sadaa detaa hai tu tere maazi kaa parinda ab na vaapas aaegaa chhoTi chhoTi khvaahishon kaa qatl hote dekh kar umr kaa ehsaas rukh par gard ban ke chhaaegaa vaqt us se chhin legaa khud-pasandi kaa ghurur haan yaqinan vo khudaa ban kar bahut pachhtaaegaa vo hai sar-taa-paa mujassam ik francisi sharaab nashsha ban kar jism us kaa zehn par bhi chhaaegaa khvaahishon ke jangalon mein lazzaton ke peD hain jin ke saae mein musaafir der tak sustaaegaa aap apni aag mein ham haath taapeinge 'adib' jab december saath apne barf-baari laaegaa"

"jab bhi aati hai tiri yaad kabhi shaam ke baad aur baDh jaati hai afsurda-dili shaam ke baad ab iraadon pe bharosa hai na tauba pe yaqin mujh ko le jaae kahaan tishna-labi shaam ke baad yuun to har lamha tiri yaad kaa bojhal guzraa dil ko mahsus hui teri kami shaam ke baad yuun to kuchh shaam se pahle bhi udaasi thi 'adib' ab to kuchh aur baDhi dil ki lagi shaam ke baad"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"