vaqt ke haathon majbur hote gae — Dr Anjana Singh Sengar

"zamaana ke baare mein us ko khabar hai agar hai to apne se vo be-khabar hai sunaane mein tum ko zamaanaa lagegaa miraa qissa-e-gham bahut mukhtasar hai mire paanv thakte nahin hai safar se koi to bataae ye kaisaa safar hai yahi soch kar aa ke baiThi yahaan par sunaa hai ki teri yahi rahguzar hai giraayaa jise main ne nazron se apni vo insaan to aaj tak dar-ba-dar hai palaT kar main aa jaaungi teri khaatir tujhe aaj meri zarurat agar hai sivaa sabr ke aur kyaa kah sakungi tiri tegh ke niche hi meraa sar hai miraa haal puchhe hai vo aate jaate mire ghar ke baahar jo buDhaa shajar hai ikaai se nau tak pahunch bhi jo jaaun dahaai banun kaise tu hi sifar hai ajab khauf kaa 'anjanaa' hai ye aalam mujhe khud se tujh ko zamaane se Dar hai"

"na faaeda ho to phir be-sabab nahin aate mizaaj puchhne vaale bhi ab nahin aate main apni mauj mein bahti huun 'anjanaa' har pal mujhe zamaane ke ye taur Dhab nahin aate ye subh-o-shaam jo zulm-o-sitam ki baarish hai tiri zamin pe yunhi ghazab nahin aate main Dhalnaa chaah ke bhi is mein Dhal nahin sakti yahaan ke taur mujhe itne sab nahin aate kabhi kabhi tiraa paighaam le ke aate the farishte vo bhi magar tere ab nahin aate main sidhi-saadi zabaan mein karun huun abhivaadan mujhe banaavaTi jhuThe laqab nahin aate main apne shabdon ko aadaab bhi sikhaati huun ghazal mein lafz mire be-adab nahin aate"

"din niklegaa aur aise hi raatein hongi yaani bas tasvir se teri baatein hongi phir teri yaadon kaa mausam chhaa jaaegaa dekhnaa phir in aankhon se barsaatein hongi baahar meri shohrat ke charche bhi honge andar andar mere saath hi ghaatein hongi duniyaa vaale tum ko pesh kareinge gul bhi mere paas to ashkon ki saughaatein hongi vo to shah hain vo to sab kuchh kharid leinge soch rahi huun un ki phir kyon maatein hongi"

"pahunchnaa manzil-e-maqsud par hai be-maani jo teraa saath nahin to safar hai be-maani agar zamir ghulaami pe mutmain ho jaae to phir ye taaqat-e-ilm-o-hunar hai be-maani agar makinon mein baaham mohabbatein na rahein to phir ye sahn ye divaar-o-dar hai be-maani isi samaaj mein laD bhiD ke zindagi karnaa udhar hai ziist kaa maqsad idhar hai be-maani thake thakaae musaafir ko gar sukun na mile pahaaD jaisaa ye unchaa shajar hai be-maani"

"pahle jaisaa vo DhunDhtaa hai mujhe aaina roz Toktaa hai mujhe zehn jitnaa bhi ikhtilaaf kare mashvara dil kaa maannaa hai mujhe so bhi jaaun to ai miri beTi teri aankhon mein jaagnaa hai mujhe us se bedaar mujh ko rahnaa hai jo abhi TuuT kar milaa hai mujhe har ghaDi main bikharti rahti huun har ghaDi vo sanbhaaltaa hai mujhe us ki taarif mujh ko karni hai us ne kyaa kyaa nahin kahaa hai mujhe saari duniyaa hasin kar dungi hazrat-e-ishq ki duaa hai mujhe mere baare mein koi raae na de tu abhi kitnaa jaantaa hai mujhe"

"haasil-e-mohabbat mein gham bahut zaruri hai ye agar nahin to phir shaairi adhuri hai pyaar bin mukammal kab aadmi huaa jaanaan pyaar jo nahin to phir zindagi adhuri hai chaahaton ki rut ho to dhuup dhuup mausam mein har qadam pe hai shimla har qadam masuri hai svaabhimaan se baDh kar kuchh nahin hai jivan mein phir ye kyon khushaamad hai kyon ye ji huzuri hai jaagte hue aksar khvaab dekhne vaalon khvaab bhi zaruri hai niind bhi zaruri hai sabr 'anjanaa' mujh se puchhtaa hi rahtaa hai yaar ke milan mein ab aur kitni duuri hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"