yaad aai hai tiri sakht maqaam aayaa hai — Akhtar Orenwi
"yaad aai hai tiri sakht maqaam aayaa hai dil ke sahraa mein ye vaqt-e-sar-e-shaam aayaa hai ik nae rang mein aaj un kaa payaam aayaa hai aarzuon ke liye naam-ba-naam aayaa hai jaan-ba-lab shauq ke sajde bhi taDap uTThe hain un ke andaaz-e-taghaaful ko salaam aayaa hai mere gham-khaana ke andoh khamoshi kaa harif kaisi begaana mizaaji kaa kalaam aayaa hai hil rahi hai mire zindaan-e-junun ki divaar phir tasavvur mein tiraa jalva-e-baam aayaa hai anjuman-saaz hai ye raaz-e-mohabbat ai dost zikr jab aayaa tiraa bar-sar-e-aam aayaa hai dil-e-betaab ki hasrat ne bikhere sajde majlis-e-ghair mein bhi teraa jo naam aayaa hai chashm-e-saaqi mein jhalakti hai miri laghzish-e-shauq kaanpte haath se lab tak abhi jaam aayaa hai 'aql ko josh-e-junun daar-o-rasan tak laayaa 'aql vaalon ke kabhi hosh bhi kaam aayaa hai teri sarkaar mein 'akhtar' ki du'aaein giryaan dil kaa kashkol liye teraa ghulaam aayaa hai"
یاد آئی ہے تری سخت مقام آیا ہے دل کے صحرا میں یہ وقت سر شام آیا ہے اک نئے رنگ میں آج ان کا پیام آیا ہے آرزؤں کے لئے نام بنام آیا ہے جاں بہ لب شوق کے سجدے بھی تڑپ اٹھے ہیں ان کے انداز تغافل کو سلام آیا ہے میرے غم خانہ کے اندوہ خموشی کا حریف کیسی بیگانہ مزاجی کا کلام آیا ہے ہل رہی ہے مرے زندان جنوں کی دیوار پھر تصور میں ترا جلوۂ بام آیا ہے انجمن ساز ہے یہ راز محبت اے دوست ذکر جب آیا ترا بر سر عام آیا ہے دل بیتاب کی حسرت نے بکھیرے سجدے مجلس غیر میں بھی تیرا جو نام آیا ہے چشم ساقی میں جھلکتی ہے مری لغزش شوق کانپتے ہاتھ سے لب تک ابھی جام آیا ہے عقل کو جوش جنوں دار و رسن تک لایا عقل والوں کے کبھی ہوش بھی کام آیا ہے تیری سرکار میں اخترؔ کی دعائیں گریاں دل کا کشکول لئے تیرا غلام آیا ہے
याद आई है तिरी सख़्त मक़ाम आया है दिल के सहरा में ये वक़्त-ए-सर-ए-शाम आया है इक नए रंग में आज उन का पयाम आया है आरज़ुओं के लिए नाम-ब-नाम आया है जाँ-ब-लब शौक़ के सज्दे भी तड़प उठ्ठे हैं उन के अंदाज़-ए-तग़ाफ़ुल को सलाम आया है मेरे ग़म-ख़ाना के अंदोह ख़मोशी का हरीफ़ कैसी बेगाना मिज़ाजी का कलाम आया है हिल रही है मिरे ज़िंदान-ए-जुनूँ की दीवार फिर तसव्वुर में तिरा जल्वा-ए-बाम आया है अंजुमन-साज़ है ये राज़-ए-मोहब्बत ऐ दोस्त ज़िक्र जब आया तिरा बर-सर-ए-आम आया है दिल-ए-बेताब की हसरत ने बिखेरे सज्दे मज्लिस-ए-ग़ैर में भी तेरा जो नाम आया है चश्म-ए-साक़ी में झलकती है मिरी लग़्ज़िश-ए-शौक़ काँपते हाथ से लब तक अभी जाम आया है 'अक़्ल को जोश-ए-जुनूँ दार-ओ-रसन तक लाया 'अक़्ल वालों के कभी होश भी काम आया है तेरी सरकार में 'अख़्तर' की दु'आएँ गिर्यां दिल का कश्कोल लिए तेरा ग़ुलाम आया है
