Akhtar Orenwi

فیض تخئیل سے پہنچا میں گلستاں کے قریب آ چلا قافلہ دل کا در زنداں کے قریب جذب دل لے ہی گیا حسن گریزاں کے قریب کیسا عالم ہے مرے دیدۂ حیراں کے قریب دور ہنگامۂ تہذیب سے طلعت بہ کنار جلوۂ مہر کی تنویر بیاباں کے قریب دل میں اک حسرت خاموش کا طوفان اٹھا فاصلے بڑھتے گئے منزل جاناں کے قریب کون جانے کہاں لے جائے گی وحشت میری ایک صحرا بھی تو ہے شہر نگاراں کے قریب میں نے اشجار کے کنجوں میں پکارا تم کو آ کے تم لوٹ گئے پردۂ مژگاں کے قریب ہر گھڑی شوق کو ہے چشم فسوں ساز کی یاد بے خودی لے گئی صحرا میں غزالاں کے قریب ساحل امن میں آغوش محبت بے کیف کاش کشتی مری پہنچے کبھی طوفاں کے قریب

faiz-e-takhil se pahunchaa main gulistaan ke qarib

40 views

یاد آئی ہے تری سخت مقام آیا ہے دل کے صحرا میں یہ وقت سر شام آیا ہے اک نئے رنگ میں آج ان کا پیام آیا ہے آرزؤں کے لئے نام بنام آیا ہے جاں بہ لب شوق کے سجدے بھی تڑپ اٹھے ہیں ان کے انداز تغافل کو سلام آیا ہے میرے غم خانہ کے اندوہ خموشی کا حریف کیسی بیگانہ مزاجی کا کلام آیا ہے ہل رہی ہے مرے زندان جنوں کی دیوار پھر تصور میں ترا جلوۂ بام آیا ہے انجمن ساز ہے یہ راز محبت اے دوست ذکر جب آیا ترا بر سر عام آیا ہے دل بیتاب کی حسرت نے بکھیرے سجدے مجلس غیر میں بھی تیرا جو نام آیا ہے چشم ساقی میں جھلکتی ہے مری لغزش شوق کانپتے ہاتھ سے لب تک ابھی جام آیا ہے عقل کو جوش جنوں دار و رسن تک لایا عقل والوں کے کبھی ہوش بھی کام آیا ہے تیری سرکار میں اخترؔ کی دعائیں گریاں دل کا کشکول لئے تیرا غلام آیا ہے

yaad aai hai tiri sakht maqaam aayaa hai

40 views

داروئے ہوش ربا نرگس بیمار تو ہو اب عناں گیر خرد گیسوئے خم دار تو ہو حسن کا ناز تجلی ہے نیاز آمادہ عشق آداب تمنا کے سزاوار تو ہو جرأت شوق سے پندار کرم جھک کے ملے حوصلہ مند کوئی ایسا گنہ گار تو ہو لالہ کاری سے رگ جاں کے گلستاں لہکے ہر نفس ایک لچکتی ہوئی تلوار تو ہو دل سے وہ جلوہ گہہ ناز تو کچھ دور نہیں سینۂ شوق میں اک جذبۂ بیدار تو ہو نام محبوب پہ بے تاب نظارے ہوں گے سجدہ گاہ دل و جاں کوچۂ دل دار تو ہو ان حسیں آنکھوں میں مے خانہ کی شام رنگیں جگمگائے گی مگر اخترؔ سرشار تو ہو

daaru-e-hosh-rubaa nargis-e-bimaar to ho

40 views

نہ تجلیاں نہ تسلیاں نہ سلام ہے نہ کلام ہے تری جلوہ گاہ خیال میں بھی سکوت ہی کا پیام ہے ابھی حسن محو خرام ہے ابھی شوخ جلوۂ عام ہے کبھی خلوتوں میں بھی رام ہے کہ تخیلات کا دام ہے نہ وہ آرزوئیں زباں زباں نہ وہ حسرتیں ہیں نظر نظر تری انجمن نہ وہ انجمن نہ وہ شوق ہی کا مقام ہے نہ وہ طور ناز کی بجلیاں نہ کلیم عشق کی شوخیاں نہ وہ رونقیں نہ وہ عشرتیں نہ وہ صبح ہے نہ وہ شام ہے جو شراب حسن و جمال میں بھی ہیں بوالہوس کی ملاوٹیں دل مے پرست ہے خوں فشاں کہ یہ میکدے کا نظام ہے دم کائنات فغاں فغاں غم ممکنات ہے جاں ستاں یہ تصورات دھواں دھواں کہ عدم وجود کا نام ہے ہے نشان‌ زخم سبو سبو یہاں ساغروں میں لہو لہو یہ بکا یہ نالہ یہ ہچکیاں یہ فغان شیشہ و جام ہے مری آہ رونق انجمن ہے صدائے درد سخن سخن تری پردگی کا یہ بانکپن کہاں جلوہ ہے کہاں بام ہے ہے تلاش حسن مکاں مکاں وہی جستجو ہے زماں زماں یہ فریب اخترؔ خوش گماں دل مبتلا کا ہی کام ہے

na tajalliyaan na tasalliyaan na salaam hai na kalaam hai

40 views

نشتر سے آرزو کے دل زندگی فگار خود زندگی وجود کے سینہ میں نوک خار اے حسن یار تیری تجلی کو کیا ہوا یہ بے قرار دل مرا اب تک ہے بے قرار جلووں نے تیرے حسرت نظارہ کو مری دیکھا کیا ہے ناز تغافل سے بار بار دل پر نگاہ شوق مزاج جمال پر حالات و واردات پہ کس کو ہے اختیار مجھ پر ہوئی نوازش پنہاں کبھی کبھی محروم ساعتوں کی تمنا ہے سوگوار اللہ تیرے حسن فروزاں کی پردگی اک لو سی تھرتھرائی پس چشم اشک بار کی رہبری خیال لب یار تک مری اے تشنگیٔ شوق مری زندگی نثار

nashtar se aarzu ke dil-e-zindagi figaar

مقام دل بہت اونچا بنا ہے کمند عقل اب تک نارسا ہے فروغ عشق سے بیتاب جلوے حریم ناز میں محشر بپا ہے مزاج حسن میں یہ درد مندی بہ فیض عشق کیا سے کیا ہوا ہے خرد ہے جستجوئے سوز آتش محبت آرزوئے برملا ہے نوازش ان کی محتاج محبت مری کم مائیگی کا آسرا ہے چمن کی نکہت افشانی کا باعث یہ موج گل ہے یا موج صبا ہے بھلا کیوں ہو تجھے میری ضرورت کہ تو سارے زمانے کا خدا ہے

maqaam-e-dil bahut unchaa banaa hai