yaar ruThaa hai ham sein mantaa nahin — Abroo Shah Mubarak

"dil hai tire pyaar karne kuun ji hai tujh par nisaar karne kuun ik lahr lutf ki hamein bas hai gham ke dariyaa suun paar karne kuun chashm meri hai abr-e-nisaani girya-e-zaar-zaar karne kuun chashm niin anjhuvaan ki basti ki zulm teraa shumaar karne kuun rashk siin jab koi chhue vo zulf dil uThe maar maar karne kuun is adaa suun laTak laTak mat aa dil miraa be-qaraar karne kuun naanv kuun garche tu mamulaa hai baaz hai dil shikaar karne kuun kyaa karun kis se jaa lagaaun ghaat 'aabru' us ke yaar karne kuun"

"aashnaai ba-zor nain hoti mat karo sharr-o-shor nain hoti dosti jo ki be-tama ho hai zar agar do karor nain hoti ek martaa huun tis pe tu mat mar gor par aur gor nain hoti"

"zindagaani saraab ki si tarah baad-bandi hubaab ki si tarah tujh upar khuun be-gunaahon kaa chaDh rahaa hai sharaab ki si tarah kaun chaahegaa ghar basar tujh ko mujh se khaana-kharaab ki si tarah Tuk khabar le ki tere haathon siin jal rahaa huun kabaab ki si tarah"

"kyuun band sab khule hain kyuun chiraa laT paTaa hai kyaa qatl kuun hamaare ab ThaaTh yuun ThaThaa hai is vaqt mein pyaare ham kuun sharaab diije dekho to kyaa huaa hai rijho to kyaa ghaTaa hai birhan ke nain ro ro jogi baran hue hain kaajar bhabhut anjho maalaa palak jaTaa hai khvaah laaThiyon siin maaro khvaah khaak mein lathaaDo 'aashiq kaa dil piyaare chaugaan kaa baTaa hai lab kuun ankhiyon kuun mukh kuun bar kuun kamar kuun qad kuun in sab ko chaahtaa hai TukDe ho dil baTaa hai saamaan-e-'aish ham kuun asbaab-e-gham hue hain khun-e-jigar hai sahbaa bakht-e-siyah ghaTaa hai kyaa rang hai tumhaare rukhsaar kaa sirijan jis par nazar kare siin gul kaa jigar phaTaa hai 'aashiq ki 'aabru' hai khvaari mein jaan denaa naamard vo kahaave jo 'ishq siin haTaa hai"

"nipaT ye maajraa yaaro kaDaa hai musaafir dushmanon mein aa paDaa hai raqib apne upar hote hain maghrur ghalat jaanaan hai haq sab siin baDaa hai jo vo bole soi vo boltaa hai raqib ab bhuut ho kar sar chaDhaa hai khudaa haafiz hai mere dil kaa yaaro pathar siin jaa ke ye shisha laDaa hai ba-rang-e-maahi-e-be-aab nas din sajan niin dil hamaaraa taDphaDaa hai raqibaan ki nahin faujaan kaa visvaas udhar siin aashiqaan kaa bhi dhaDaa hai kare kyaa 'aabru' kyunkar milan ho raqibaan ke sanam bas mein paDaa hai"

"jaal mein jis ke shauq aai hai us ke dil kuun taDaph kamaahi hai jag ke khubaan hain tujh pe sab maftun tan mein yusuf bhi ek chaahi hai daagh siin kyuun na dil ujaalaa ho chashm ki raushni siyaahi hai ab talak khinch khinch jaur-o-jafaa har tarah dosti nibaahi hai taur kyaa puchhte ho kaafir kaa shokh hai baankha hai sipaahi hai haath mein kahrubaa ki simran dekh rang aashiq kaa aaj kaahi hai haal aashiq kaa kyaa bayaan kiije khvaar hai khasta hai tabaahi hai 'aabru' kyuun na ho rahe khaamosh dard kahne ki yaan manaahi hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"