Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Asar Ansari
daaman pe jam ke rah gai yaa aastin par
Tapki na ek buund lahu ki zamin par
insaaniyat ke dars ki takmil ho gai
aaegaa ab na koi payambar zamin par
· · ·
Asar Ansari
tire jamaal kaa partav mire bayaan mein kahaan
vo dilkashi miri be-rabt daastaan mein kahaan
kahaan vo phuul jinhein zinat-e-chaman kahiye
hari bhari koi ab shaakh gulsitaan mein kahaan
· · ·
Asar Ansari
khud apni zaat se insaan be-khabar kyon hai
shuur-e-dida-vari hai to kam-nazar kyon hai
jo aaina tiri zarb-e-nigaah sah na sakaa
us aaine pe abhi khat-e-mustaqar kyon hai
· · ·
Asar Ansari
kabhi na mere qalam ki giraft mein aae
ye bhaagte hue lamhe ye dauDte saae
vo zor ab mire sukhe hue badan mein kahaan
muhaal hai miri aavaaz duur tak jaae
· · ·
Asar Ansari
jhel kar dukh mujhe jiine kaa qarina aaya
na jabin par shikan ubhri na pasina aaya
kitne alfaaz-o-taraakib taraashe main ne
guftugu kaa na saliqa na qarina aaya
· · ·
Asar Ansari
main husn-o-qabh-e-ghazal ko nazar mein rakhtaa huun
ye e'timaad bhi apne hunar mein rakhtaa huun
zamaana ho gayaa bichhDe hue magar ab tak
tumhaari yaad duaa-e-sahar mein rakhtaa huun
· · ·
Asar Ansari
tilism-e-khvaab bhi aisaa ki TuTtaa hi nahin
ghunuda zehn koi baat sochtaa hi nahin
vo mere dil ki karaahein bhi sun rahaa hai magar
khafaa hai mujh se kuchh aisaa ki boltaa hi nahin
· · ·
Asar Ansari
raftaar raushni ki musakhkhar na kar sake
saae ko apne qad ke baraabar na kar sake
jismon pe shakhsiyat ki tahein jam ke rah gaiin
khud ko ham apni zaat se baahar na kar sake
· · ·
Asar Ansari
phunk Daalegi ye ashkon ki sharar-baari mujhe
raakh mein kab tak dabaa rakkhegi chingaari mujhe
tang mere jism par hai paarsaai kaa libaas
maar Daalegi kisi din ye riyaa-kaari mujhe
· · ·
Asar Ansari
zehn par musallat hai khauf ki fazaa jaise
pesh aane vaalaa hai koi haadsa jaise
vaqt biit jaataa hai chhoD kar nuqush apne
aaine se chehron par harf-e-be-sadaa jaise
· · ·
Asar Ansari
yahi haqir si duniyaa jo khaak-daan lage
bulandiyon se jo dekho to aasmaan lage
vo zindagi ki kaDi dhuup sah nahin saktaa
hai ek abr kaa TukDaa bhi saaebaan lage
· · ·
Asar Ansari
apnaa hi aks nazar aae jise bhi dekhun
khud se fursat nahin milti ki tujhe bhi dekhun
kitni hasrat hai ki taskin-e-nazar ki khaatir
rah ke main apne havaason mein use bhi dekhun
· · ·
Asar Ansari
ghazal farogh-e-tajalli-e-tur chaahe hai
ye sinf husn-e-mujassam kaa nuur chaahe hai
ghazal lataafat-o-shirini-e-bayaan ke liye
mai-e-shabaab kaa kaif-o-surur chaahe hai
· · ·