Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Dakhlan Bhopali
ghazal kahein to vahi daastaan niklegi
har ek sher mein aah-o-fughaan niklegi
safar ki mushkilein rone kaa faaeda kyaa hai
ki jaate jaate hi meri thakaan niklegi
· · ·
Dakhlan Bhopali
rashk is baat pe mar jaataa hai
kam-se-kam milne to vo aataa hai
jaane kis taur jhelegaa mujh ko
ji to is baat se ghabraataa hai
· · ·
Dakhlan Bhopali
faiz samjhe the jise thaa vo ziyaan hairat hai
ye mohabbat hi mire dil ko garaan hairat hai
guzre lamhaat kaa aankhon mein pighalnaa hairat
uf tiri yaad ki ye tarz bayaan hairat hai
· · ·
Dakhlan Bhopali
hamaari ruuh ko chhukar guzar gayaa hai abhi
vo ek lamha na jaane kidhar gayaa hai abhi
ki daur-e-ishq mein us kaa bhi ek jism to thaa
mujhe hai shak vo fazaa mein bikhar gayaa hai abhi
· · ·
Dakhlan Bhopali
vo bas rassa-kashi thi
mohabbat thak chuki thi
do kashti mein nadi thi
zamin viraan si thi
· · ·
Dakhlan Bhopali
abhi abhi huaa ham tirgi se nikle hain
jahaan-e-ishq ki andhi gali se nikle hain
kisi se kahte to ilzaam apne sar aataa
ye haadisa thaa so ham khaamushi se nikle hain
· · ·
Dakhlan Bhopali
ujDe hue jahaan bahut vaqt ho gayaa
zinda hai bas thakaan bahut vaqt ho gayaa
ik qaul thaa ki saath jiyeinge mareinge ham
badle hue bayaan bahut vaqt ho gayaa
· · ·
Dakhlan Bhopali
tum se milnaa bhi nahin tum se bichhaDnaa bhi nahin
vaqt ke jaise magar ham ko badalnaa bhi nahin
'ishq ne phir hamein ik baar hai bakhshaa sahraa
dariyaa milnaa bhi nahin abr barasnaa bhi nahin
· · ·