Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Fasihullah Naqeeb
hain mizaaj aasmaan pe jis-tis ke
naaz uThaaein bhi ham to kis kis ke
bijliyon ke sunahri harfon mein
baadalon par hain dastakhat kis ke
· · ·
Fasihullah Naqeeb
na apni baat na meraa qusur likkhaa thaa
shikaayaton se bharaa khat zarur likkhaa thaa
rasul aae to dahshat-garon ke biich aae
andheri raat ki qismat mein nuur likkhaa thaa
· · ·
Fasihullah Naqeeb
jaisaa tum chaahoge vaisaa nahin hone vaalaa
varna hone ko yahaan kyaa nahin hone vaalaa
muqtadir ho to gharibon se jo chaaho le lo
izzat-e-nafs kaa saudaa nahin hone vaalaa
· · ·
Fasihullah Naqeeb
kabhi to harf-e-duaa yuun zabaan talak aae
utar ke jis ki paziraai ko falak aae
kam-az-kam itne to aaina-daar hon chehre
ki dil ke haal ki chehre pe bhi jhalak aae
· · ·
Fasihullah Naqeeb
junhi lab kholtaa hai vo to jaadu baandhtaa hai
hasin alfaaz ke pairon mein ghunghru baandhtaa hai
andheri shab ke daaman mein damakte hain sitaare
khayaal-e-yaar jab palkon pe jugnu baandhtaa hai
· · ·
Fasihullah Naqeeb
khair se hoti rahi raah-numaai kyaa kyaa
varna aa jaati bashar mein kaj-adaai kyaa kyaa
mo'atabar kaise kahein tu ne uDaai kyaa kyaa
ai nazar tujh ko ye duniyaa nazar aai kyaa kyaa
· · ·
Fasihullah Naqeeb
huzur mil ke aap se main aaj muskuraa diyaa
tabassum aap kaa jo ik udhaar thaa chukaa diyaa
bajaa ki sar-kashi ghalat qubul inkisaar bhi
magar ye kyaa ki har kisi ke aage sar jhukaa diyaa
· · ·
Fasihullah Naqeeb
sabhi se ham nahin khulte ki sab nahin khulte
vagarna mahfil-e-yaaraan mein kab nahin khulte
har ek shakhs ko husn-e-nazar nahin miltaa
har ek shakhs pe sher-o-adab nahin khulte
· · ·
Fasihullah Naqeeb
mustaqbil ki sab dil-khush-kun baatein khvaabon tak mahdud
uns mohabbat mehr-o-vafaa gar hain to kitaabon tak mahdud
sher-o-adab ko sarhad-varhad se kyaa lenaa denaa hai
sher-o-adab ki duniyaa kyon hai aaj nisaabon tak mahdud
· · ·
Fasihullah Naqeeb
dosti ke nae aadaab liye phirte hain
log ab itr mein tezaab liye phirte hain
chaahte hain ki haqiqat mein Dhalein aap hi aap
jaagti aankhon mein ham khvaab liye phirte hain
· · ·
Fasihullah Naqeeb
unche makaan khaa gae sab mere ghar ki dhuup
hisse mein mere rah gai baalisht bhar ki dhuup
kartaa rahun nigaah milaa kar main guftugu
har chand chubh rahi ho tire karr-o-far ki dhuup
· · ·