Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Masoom Sharqi
gham ke tufaan dil-e-muztar mein Thahar jaate hain
aish ke lamhe to pal bhar mein guzar jaate hain
haif-sad-haif ki naa-qadri-e-fan ke haathon
kitne fankaar lahu thuuk ke mar jaate hain
· · ·
Masoom Sharqi
manzilein kyaa bataaein main kyaa huun
zindagi kaa udaas rasta huun
tu kharosh-e-talaatum-e-dariyaa
main sukut-e-saraab-e-sahraa huun
· · ·
Masoom Sharqi
mukhaalif ho zamin meri ki dushman aasmaan meraa
rahegaa rahti duniyaa tak chaman mein aashiyaan meraa
main chaahun bhi to khul saktaa nahin raaz-e-nihaan meraa
ki is mahfil mein koi bhi nahin hai ham-zabaan meraa
· · ·
Masoom Sharqi
mere shikve kaa zaraa us pe asar ho to sahi
mehrbaan mujh pe kabhi us ki nazar ho to sahi
dekhne vaale miraa azm-e-safar dekheinge
manzil-e-shauq koi pesh-e-nazar ho to sahi
· · ·
Masoom Sharqi
tujh se mile baghair ye mujh ko pataa na thaa
vasl-o-firaaq kyaa hai ye main jaantaa na thaa
aazaad ho gayaa main jahaan ke khayaal se
lekin tiraa khayaal mujhe chhoDtaa na thaa
· · ·
Masoom Sharqi
dushman ke tanz ko bhi saliqe se Taal de
apne mazaaq-e-taba ki aisi misaal de
bakhshe bahaar ko jo na shaaistagi kaa rang
aisi har ek shai ko chaman se nikaal de
· · ·
Masoom Sharqi
main ne tujh ko khoyaa thaa main ne tujh ko paayaa hai
vo bhi ek dhoka thaa ye bhi ek dhoka hai
baiThe shish-mahlon mein tum samajh na paaoge
khaar kaise paanv mein dard ban ke chubhtaa hai
· · ·
Masoom Sharqi
shab-e-siyaah kaa aanchal sarak chukaa hai bahut
andheri raat mein jugnu chamak chukaa hai bahut
rais-e-shahr miraa aur imtihaan na le
ki mere sabr kaa saaghar chhalak chukaa hai bahut
· · ·
Masoom Sharqi
is aatish-e-khamosh ko shoala banaa na de
chingaariyon ke Dher ko koi havaa na de
mushkil se kuchh huaa hai mayassar mujhe sukun
maazi kaa koi dard mujhe phir jagaa na de
· · ·
Masoom Sharqi
dil hai ki justuju ke saraabon mein qaid hai
varna har ek chehra naqaabon mein qaid hai
fursat kahaan ki DhunDe gham-e-dahr kaa ilaaj
har shakhs apne gham ke hisaabon mein qaid hai
· · ·
Masoom Sharqi
jo zakhm lage hain mire dil par nahin dekhaa
tum ne miraa haal-e-dil-e-muztar nahin dekhaa
aankhon mein to barbaadi-e-gulshan kaa thaa manzar
phulon ki taraf aankh uThaa kar nahin dekhaa
· · ·
Masoom Sharqi
meri khabar hai dil ko na dil ki khabar mujhe
divaana kar gai hai kisi ki nazar mujhe
kaise qaraar aae mire dil ko ham-nashin
phirti hai teri yaad liye dar-ba-dar mujhe
· · ·