Ghazal

"samajh mein kuchh nahin aataa ki dil ki aarzu kyaa thi safar to phir safar thaa lekin aakhir justuju kyaa thi bikharti aarzuon ki sadaa suntaa to jhuum uThtaa magar pighle hue lamhaat ki ye guftugu kyaa thi larazte kaanpte patton se puchhun bhi to kyaa puchhun judaa hote hue mausam ki shaan-e-rang-o-bu kyaa thi na-jaane kaun saa suraj thaa jo Duubaa thaa mashriq mein magar rah rah bikharti raushni si chaar-su kyaa thi bayaabaan mein sahar taa-shaam kis ko DhunDte the ye parinde kis ko batlaaein ki un ki justuju kyaa thi na rote the na hanste the na kahte the kisi se kuchh vo kaise log the un ke dilon mein aarzu kyaa thi"

"lahu mein Duubi hui phir koi sadaa aai ilaahi khair ki maqtal se phir ghaTaa aai bichhaD gai thi koi ruuh apne saae se kisi ko DhunDne vaali koi sadaa aai laraz uThaa dar-o-divaar kaa bhi sannaaTaa kisi taraf se achaanak jo ye havaa aai kisi ke aks ke saae mein jal rahaa thaa main ki shaakh-e-dil se ulajhne ko phir sabaa aai jhulas ke saare parinde hue hain khaakistar havaa mein pankh pasaare hue balaa aai bikharte jism ko kaise sanbhaaltaa koi sukut-e-shahr mein jab zor se havaa aai thakan se chuur huun apne hi saae mein so luun jagaane mujh ko abhi kyon miri qazaa aai"

"kaun thaa daaera-e-shaam-o-sahar se baahar kaise pahunchaa vo zamaane ke asar se baahar ek mausam thaa anokhaa saa badan ke andar ek mausam thaa ajab saa mire ghar ke baahar kyaa pata khauf kaa ehsaas hai kyon itnaa mujhe phir koi niklaa hai zindaan-e-sharar se baahar main havaaon mein koi ghonsla kis tarah banaaun ik parinda huun main TuuTe hue par ke baahar qaid kar rakkhaa hai muTThi mein ye suraj kis ne raat hai bikhri hui si mire ghar ke baahar"

"chhupaa rakhi hai koi shai koi manzar darakhton par balaaein DhunDhti hain phir koi paikar darakhton par havaa khaamosh thi lekin har ik pattaa laraztaa thaa achaanak TuuT kar barse the yuun patthar darakhton par na-jaane kaun si vaadi mein gum hain ye chaman vaale parinde DhunDte hain phir nae manzar darakhton par sahar hone se pahle bhiig jaati hain fazaaein bhi bichhaa jaataa hai shabnam kaa koi bistar darakhton par yahi TuuTe hue par aashiyaane mein koi rakh de zamaana DhunDhtaa hai phir hamaaraa ghar darakhton par"

"vo laakh apnaa thaa par eatibaar kis kaa thaa koi ye puchhe hamein intizaar kis kaa thaa bagule uThte the hanste the rahguzaaron par havaaein sabz thiin un mein ghubaar kis kaa thaa dilon pe chhaai hui dhund thi sadaaon ki tabaahiyon pe magar ikhtiyaar kis kaa thaa tamaam peD zamin-bos hue jaate hain bisaat-e-khaak pe phulon kaa haar kis kaa thaa"

"khaali khaali makaan ke manzar dekh har taraf phir vahi samundar dekh toD kar ik pahaaD se rishta gum huaa hai nadi mein patthar dekh raat sab ko nikhaar deti hai din mein tu rang-e-maah-e-akhtar dekh aankh mein rakh le raushni pahle phir zaraa shaam-e-gham kaa lashkar dekh tujh ko manzil bhi mil hi jaaegi pahle raste kaa mil-patthar dekh ghar ke baahar bhi ek aandhi hai ek tufaan mere andar dekh"

"yaa khudaa mujh ko vo andaaz-e-shakebaai de mire chehre ko mire zakhmon ki gahraai de faash ho jaaein miri ruuh pe kaunain ke raaz mujh ko vo aankh de aankhon ko vo binaai de aap hi apne ko sangsaar kiyaa hai main ne mere qaatil ko na ilzaam-e-masihaai de kab talak tarsungaa kaanTon bhare pairaahan ko barhana-tan huun mujhe khilat-e-rusvaai de mire chehre pe ye lab hain ki sulagtaa huaa zakhm mire lafzon ko zabaan yaa mujhe goyaai de"