Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Nigar Azeem
zaat ki sair pe niklun miri himmat hi nahin
is bayaabaan se guzarne ki jasaarat hi nahin
zindagi main ne qanaaat kaa hunar siikh liyaa
ab tire naaz uThaane ki zarurat hi nahin
· · ·
Nigar Azeem
tamaam 'umr kaTi dil kaa chaak siine mein
hazaar baar mare ik hayaat jiine mein
tiraa khayaal kuchh aise nihaan hai dil mein mire
ki jaise rang samaae kisi nagine mein
· · ·
Nigar Azeem
sirf khaaka ubhar rahaa hai abhi
koi chehra kahaan banaa hai abhi
reza reza bikharti aankhon mein
ghar kaa sapnaa basaa huaa hai abhi
· · ·
Nigar Azeem
mahrumi-e-nazar ne dilaase diye bahut
yuun ham ne aandhiyon mein jalaae diye bahut
vo silsile vafaaon ke sab raaegaan gae
us ne mujhe bisaat ke taa'ne diye bahut
· · ·
Nigar Azeem
taqdir ke khutut mein uljhi hui huun main
khud apne vaaste hi paheli hui huun main
ye rang ruup pahle to aisaa na thaa miraa
is zindagi ki dhuup se maili hui huun main
· · ·
Nigar Azeem
ab kahaan 'ishq kaa zamaana hai
har taraf jang kaa fasaana hai
dosti kyaa hui vo barson ki
ab miraa ghar tiraa nishaana hai
· · ·
Nigar Azeem
muddat hui hai vo miraa mehmaan nahin huaa
ghar mein isi sabab se charaaghaan nahin huaa
shaamein udaas raatein bhi be-nur hain bahut
vo muddaton se bazm-e-nigaaraan nahin huaa
· · ·
Nigar Azeem
guzar gayaa jo zamaana ajiib lagtaa hai
gai ruton kaa fasaana ajiib lagtaa hai
tum apne saath hi le jaao apni yaadon ko
ki chashm-e-nam kaa chhupaanaa ajiib lagtaa hai
· · ·
Nigar Azeem
moajiza ye bhi dikhaayaa main ne
apne qaatil ko rulaayaa main ne
khud hi zakhmon se sajaayaa dil ko
aur phir jashn manaayaa main ne
· · ·
Nigar Azeem
pahli si chaahaton ke vo manzar nahin rahe
aashiq to be-shumaar hain dilbar nahin rahe
is ahd-e-nau mein aur to sab kuchh milaa magar
sharm-o-hayaa ke qimti zevar nahin rahe
· · ·