us ne meri shaakhon ko is tarah numu bakhshi — Abida Karamat

us peD ke har phal mein miraa haq zaraa rakhnaa
jis nanhe se paude ko shajar main ne kiyaa hai

— Abida Karamat

amaan mein aa ke bhi jis ki main be-amaan rahun
kisi bhi aisi nazar kaa mujhe hisaar na de

— Abida Karamat

auron ki aag kyaa tujhe kundan banaaegi
apni bhi aag mein kabhi chup-chaap jal ke dekh

— Abida Karamat

vahin pe jhaaD ke uThte hain phir mataa’-e-hayaat
ki zindagi ko jahaan jis ke naam karte hain

— Abida Karamat

main us ki dhun mein nae raaste pe jaa nikli
dayaar-e-jaan se miri roz jo guzartaa rahaa

— Abida Karamat

ham tire saae mein kuchh der Thaharte kaise
ham ko jab dhuup se vahshat nahin karni aai

— Abida Karamat

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif