main us ki dhun mein nae raaste pe jaa nikli — Abida Karamat

us peD ke har phal mein miraa haq zaraa rakhnaa
jis nanhe se paude ko shajar main ne kiyaa hai

amaan mein aa ke bhi jis ki main be-amaan rahun
kisi bhi aisi nazar kaa mujhe hisaar na de

auron ki aag kyaa tujhe kundan banaaegi
apni bhi aag mein kabhi chup-chaap jal ke dekh

vahin pe jhaaD ke uThte hain phir mataa’-e-hayaat
ki zindagi ko jahaan jis ke naam karte hain

us ne meri shaakhon ko is tarah numu bakhshi
zakhm ke khileinge phuul dard kaa chaman hogaa

ham tire saae mein kuchh der Thaharte kaise
ham ko jab dhuup se vahshat nahin karni aai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

main kyunkar na rakhkhun aziiz apne dil ko
kahin dil saa bhi yaar paidaa huaa hai

shab mein dekhi hain paDi paanv mein zanjirein do
yaaro is khvaab ki tum hi mujhe taabirein do

ishq-e-fuzun mein mere na ho dosto kami
maashuq umr mein hai bahut kam to kyaa huaa

dayaar-e-yaar kaa shaayad suraagh lag jaataa
judaa jo jaada-e-maqsud se safar hotaa