gham se nisbat hai jinhein zabt-e-alam karte hain — Abrar Kiratpuri

har ik insaan ke aamaal bhi yaksaan nahin hote
koi ghar toD detaa hai koi taamir kartaa hai

kahin bhi raah-numaa ab nazar nahin aataa
main kyaa bataaun ki huun kaun si jihaat mein gum

vasvase dil mein na rakh khauf-e-rasan le ke na chal
azm-e-manzil hai to ham-raah thakan le ke na chal

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil ki khalish to saath rahegi tamaam umr
dariyaa-e-gham ke paar utar jaaein ham to kyaa

udaas logon ke maathon ko chumte rahnaa
unhi ki vajh se bar-'aks ho gae tum log

hans paDi shaam ki udaas fazaa
is tarah chaae ki pyaali hansi