na mizaaj-e-naaz-e-jalva kabhi paa sakin nigaahein — Akhtar Orenwi

main muntazir huun teri tamannaa liye hue
aa jaa farogh-e-husn ki duniyaa liye hue

kitne taabaan the vo lamhaat tire pahlu mein
do ghaDi meri bhi firdaus minaa guzri hai

junun bhi zahmat khirad bhi laanat hai zakhm-e-dil ki davaa mohabbat
harim-e-jaan mein tavaaf-e-paiham yahi hai andaaz-e-aashiqaana

miri aarzu ki taskin na karam mein ne sitam mein
miraa dil mudaam tishna tiri rah ke pech-o-kham mein

main baDaa ho gayaa huun magar bachpanaa
mere dil se kabhi bhi gayaa hi nahin

chup kahin aur liye phirti thi baatein kahin aur
din kahin aur guzarte the to raatein kahin aur

dafnaa diyaa thaa jin ko gunje hain har taraf ab
meri khamoshiyon ko aavaaz mil gai hai

tum hanso to din nikle chup raho to raatein hain
kis kaa gham kahaan kaa gham sab fuzul baatein hain

vo sard raaton mein aansuon ke charaagh raushan
aur un charaaghon ki lau mein jalti 'ajib si chup

saas aa jaae to kyuun ghar se chipak jaati hai
ye muamma hai samajhne kaa na samjhaane kaa