hamaari umr ab aisi hai ham siiTi nahin sunte — Ameerul Islam Hashmi

bahut mushkil thaa jin ko DhunDnaa make-up ke malbe se
so andaaze se un kaa baankpan likhnaa paDaa mujh ko

chhoDaa hai jab se parda mardaa gai hai aurat
radd-o-badal hai kyaa kyaa ye arz phir karungaa

zulekhaaein ba-zid thiin ek yusuf ke liye yaaro
baDi hi garmi-e-baazaar thi kal shab jahaan main thaa

miri majburiyon ne naazuki kaa khuun kar Daalaa
har ik gobhi-badan ko gul-badan likhnaa paDaa mujh ko

pata mushkil se chaltaa hai muzakkar aur muannas kaa
kabhi maalum hotaa hai kabhi maalum hoti hai

jinhein saaDi mein aanaa thaa vo patlunon mein aaiin thiin
tamiz-e-mard-o-zan dushvaar thi kal shab jahaan main thaa

kam-umri mein sunet hain
mar jaate hain achchhe log

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi ke bahut qarib na jaa
faasla kuchh to apne dhyaan mein rakh

baDe qalaq ki baat hai ki tum ise na paDh sake
hamaari zindagi to ik khuli hui kitaab thi