husul-e-manzil-e-jaan kaa hunar nahin aayaa — Bakhsh Layalpuri

hamaare khvaab chori ho gae hain
hamein raaton ko niind aati nahin hai

kabhi aankhon pe kabhi sar pe biThaae rakhnaa
zindagi talkh sahi dil se lagaae rakhnaa

dard-e-hijrat ke sataae hue logon ko kahin
saaya-e-dar bhi nazar aae to ghar lagtaa hai

koi shai dil ko bahlaati nahin hai
pareshaani ki rut jaati nahin hai

ahl-e-zar ne dekh kar kam-zarfi-e-ahl-e-qalam
hirs-e-zar ke har taraazu mein sukhan-var rakh diye

vahi patthar lagaa hai mere sar par
azal se jis ko sajde kar rahaa huun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

safar mein aise kai marhale bhi aate hain
har ek moD pe kuchh log chhuT jaate hain

yuun to maujud apne ghar mein hai
aadmi mustaqil safar mein hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

'asghar' ye safar shauq kaa ab kaise kaTegaa
jo ham ne taraashaa thaa vo but TuuT gayaa hai

jo log meraa naqsh-e-qadam chuum rahe the
ab vo bhi mujhe raah dikhaane chale aae