tere diye hue dukh — Basir Sultan Kazmi

kaise yaad rahi tujh ko
meri ik chhoTi si bhuul

jab bhi mile ham un se unhon ne yahi kahaa
bas aaj aane vaale the ham aap ki taraf

dil lagaa lete hain ahl-e-dil vatan koi bhi ho
phuul ko khilne se matlab hai chaman koi bhi ho

kuchh to hassaas ham ziyaada hain
kuchh vo barham ziyaada hotaa hai

'baasir' tumhein yahaan kaa abhi tajraba nahin
bimaar ho? paDe raho, mar bhi gae to kyaa

gilaa bhi tujh se bahut hai magar mohabbat bhi
vo baat apni jagah hai ye baat apni jagah