kaise yaad rahi tujh ko — Basir Sultan Kazmi

jab bhi mile ham un se unhon ne yahi kahaa
bas aaj aane vaale the ham aap ki taraf

dil lagaa lete hain ahl-e-dil vatan koi bhi ho
phuul ko khilne se matlab hai chaman koi bhi ho

kuchh to hassaas ham ziyaada hain
kuchh vo barham ziyaada hotaa hai

'baasir' tumhein yahaan kaa abhi tajraba nahin
bimaar ho? paDe raho, mar bhi gae to kyaa

ruk gayaa haath tiraa kyuun 'baasir'
koi kaanTaa to na thaa phulon mein

gilaa bhi tujh se bahut hai magar mohabbat bhi
vo baat apni jagah hai ye baat apni jagah

mere khvaabon ke jharokon ko sajaate rahiye
na sahi vasl magar yaad to aate rahiye

munavvar maan ke aage yuun kabhi khul kar nahin ronaa
jahaan buniyaad ho itni nami achchhi nahin hoti

jab baDh gai umr ghaT gai ziist
jo had se ziyaada ho vo kam hai

maut aa jaae qaid mein sayyaad
aarzu ho agar rihaai ki

aise bohtaan lagaae ki khudaa yaad aayaa
but ne ghabraa ke kahaa mujh se ki quraan uThaa

kidhar qafas thaa kahaan ham the kis taraf ye qaid
kuchh ittifaaq hai sayyaad aab-o-daane kaa