dilbaron ke shahr mein begaanagi andher hai — Bayan Ahsanullah Khan

sirat ke ham ghulaam hain surat hui to kyaa
surkh o safed miTTi ki murat hui to kyaa

arsh tak jaati thi ab lab tak bhi aa sakti nahin
rahm aa jaataa hai kyuun ab mujh ko apni aah par

koi samjhaaiyo yaaro miraa mahbub jaataa hai
miraa maqsud jaataa hai miraa matlub jaataa hai

ham sarguzisht kyaa kahein apni ki misl-e-khaar
paamaal ho gae tire daaman se chhuT kar

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vaa'da amir-e-shahr kaa dariyaa-dili kaa thaa
dekh un kaa faiz shahr ko dariyaa banaa diyaa

duur ham se hain vo to kyaa Dar hai
paas hai apne aarsi dil ki

jab bhi aql banaati hai pahlaa misraa
dil ko misra-e-saani honaa paDtaa hai

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye