us ko duniyaa aur na uqbaa chaahiye — Bedam Shah Warsi

ab aadmi kuchh aur hamaari nazar mein hai
jab se sunaa hai yaar libaas-e-bashar mein hai

vo qulqul-e-minaa mein charche miri tauba ke
aur shisha-o-saaghar ki mai-khaane mein sargoshi

apnaa to ye mazhab hai kaaba ho ki but-khaana
jis jaa tumhein dekheinge ham sar ko jhukaa deinge

hamaari zindagi to mukhtasar si ik kahaani thi
bhalaa ho maut kaa jis ne banaa rakkhaa hai afsaana

mujhe shikva nahin barbaad rakh barbaad rahne de
magar allaah mere dil mein apni yaad rahne de

tum jo chaaho to mire dard kaa darmaan ho jaae
varna mushkil hai ki mushkil miri aasaan ho jaae