dard-e-dil ki intihaa thi zabt TuuTaa aur phir — Dinesh Kumar

mujh ko saphaltaa baiThe biThaae nahin mili
main ne guhar talaashe hain dariyaa khangaal kar

maraasim barf mein dabne na paaein
qarib aao december aa rahaa hai

kar ke taarif vo miri jhuTi
zahr dhimaa chaTaa gayaa hai mujhe

haaT pe kyaa biktaa thaa ham ko kyaa matlab
apni jeb mein bas khvaabon ke sikke the

juDaa hi rahtaa hai mamtaa ki garbhnaal se vo
vajud beTe kaa maan se judaa nahin hotaa

dekho darakht kaaTne se pahle ek baar
in sabz Tahniyon pe koi ghonsla na ho

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hamaare she'r naghme aur sajde
adaa jo ho na paae kyaa hue vo

gham mujhe dete ho auron ki khushi ke vaaste
kyuun bure bante ho tum naahaq kisi ke vaaste

shafaq huun suraj huun raushni huun
salib-e-gham par ubhar rahaa huun