dinon mahinon aankhein roiin nai ruton ki khvaahish mein — Ejaz Gul

natija ek saa niklaa dimaagh aur dil kaa
ki donon haar gae imtihaan mein duniyaa ke

main umr ko to mujhe umr khinchti hai ulaT
tazaad samt kaa hai asp aur savaar ke biich

qismat ki kharaabi hai ki jaataa huun ghalat samt
paDtaa hai bayaabaan bayaabaan se aage

dhuup javaani kaa yaaraana apni jagah
thak jaataa hai jism to saaya maangtaa hai

ajiib shakhs thaa main bhi bhulaa nahin paayaa
kiyaa na us ne bhi inkaar yaad aane se

har mulaaqaat kaa anjaam judaai thaa agar
phir ye hangaama mulaaqaat se pahle kyaa thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kal na jaane shahr mein kis baat kaa jalsa huaa
aaj saare shahr kaa naqsha hai kuchh badlaa huaa

film ki gardish se tasvirein badalti hi rahin
umr-e-rafta kaa na aayaa phir vo manzar saamne

dil ki hai sarmaaya-daar-e-izzat o naamus-e-husn
hai yahi markaz yahi hai daaera mere liye

ishq ne paidaa kiyaa hai ek dil
husn vaalo ek jalvaa chaahiye