raah mein us ki chalein aur imtihaan koi na ho — Fayyaz Farooqi

tujh se dil mein jo gila thaa vo na laae lab par
phir se ham bhar gae zakhmon ko haraa kyaa karte

jab un ki bazm mein har khaas o aam rusvaa hai
ajiib kyaa hai agar meraa naam rusvaa hai

ye sochaa hai ki tujh ko sochnaa ab chhoD dungaa main
ye laghzish mujh se lekin be-iraada ho hi jaati hai

jugnu havaa mein le ke ujaale nikal paDe
yuun tirgi se laDne jiyaale nikal paDe

kaise mumkin hai ki qisse jis se sab vaabasta hon
vo chale aur saath us ke daastaan koi na ho

baDhaanaa haath pakaDne ko rang muTThi mein
to titliyon ke paron kaa daraaz ho jaanaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar anjaam tak pahunche to kaise
main apne raaste mein khud khaDaa huun