kyuun mujh ko nazr-e-aatish-e-ehsaas kar diyaa — Habeeb Amrohvi

behtar dinon ki aas lagaate hue 'habib'
ham behtarin din bhi ganvaate chale gae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na ho barham jo bosa be-ijaazat le liyaa main ne
chalo jaane do betaabi mein aisaa ho hi jaataa hai

is raaz ko kyaa jaanein saahil ke tamaashaai
ham Duub ke samjhe hain dariyaa tiri gahraai