khudaa kare kahin mai-khaane ki taraf na muDe — Habeeb Moosavi

dil mein bhari hai khaak mein milne ki aarzu
khaakistari huaa hai hamaari qabaa kaa rang

zabaan par tiraa naam jab aa gayaa
to girte ko dekhaa sambhalte hue

taalib-e-bosa huun main qaasid vo hain khvaahaan-e-jaan
ye zaraa si baat hai milte hi tai ho jaaegi

asal saabit hai vahi shara kaa ik parda hai
daane tasbih ke sab phirte hain zunnaaron par

naaseh ye vaaz-o-pand hai bekaar jaaegaa
ham se bhi baada-kash hain kahin paarsaa hue

bahut dinon mein vo aae hain vasl ki shab hai
moazzin aaj na yaarab uThe azaan ke liye

DhunDhtaa phirtaa hai mujh ko kyuun fareb-e-rang-o-bu
main vahaan huun khud jahaan apnaa pata miltaa nahin

fareb-khurda hai itnaa ki mere dil ko abhi
tum aa chuke ho magar intizaar baaqi hai

jo baa-khabar the vo dete rahe fareb mujhe
tiraa pata jo milaa ek be-khabar se milaa

mohabbaton ke kai rang ruup hote hain
fareb-e-yaar se koi gila nahin karte

dil-o-nazar ko abhi tak vo de rahe hain fareb
tasavvuraat-e-kuhan ke qadim but-khaane

khudi se pyaar karo aur khudaa ke saath raho
ye tum se kis ne kahaa bevafaa ke saath raho