dil ne aankhon tak aane mein itnaa vaqt liyaa — Hafeez Jalandhari

ai miri jaan apne ji ke sivaa
kaun teraa hai kaun meraa hai

'hafiz' apni boli mohabbat ki boli
na urdu na hindi na hindostaani

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

vafaa jis se ki bevafaa ho gayaa
jise but banaayaa khudaa ho gayaa

dekhaa jo khaa ke tiir kamin-gaah ki taraf
apne hi doston se mulaaqaat ho gai

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

khvaahishein dil mein machal kar yunhi so jaati hain
jaise angnaai mein rotaa huaa bachcha koi