tumhaare baad ujaale bhi ho gae rukhsat — Hakeem Nasir

vo mujhe chhoD ke ik shaam gae the 'naasir'
zindagi apni usi shaam se aage na baDhi

ye dard hai hamdam usi zaalim ki nishaani
de mujh ko davaa aisi ki aaraam na aae

jab se tu ne mujhe divaana banaa rakkhaa hai
sang har shakhs ne haathon mein uThaa rakkhaa hai

pattharo aaj mire sar pe baraste kyuun ho
main ne tum ko bhi kabhi apnaa khudaa rakkhaa hai

ghar mein jo ik charaagh thaa tum ne use bujhaa diyaa
koi kabhi charaagh ham ghar mein na phir jalaa sake

aap kyaa aae ki rukhsat sab andhere ho gae
is qadar ghar mein kabhi bhi raushni dekhi na thi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa