vo mujhe chhoD ke ik shaam gae the 'naasir' — Hakeem Nasir

ye dard hai hamdam usi zaalim ki nishaani
de mujh ko davaa aisi ki aaraam na aae

jab se tu ne mujhe divaana banaa rakkhaa hai
sang har shakhs ne haathon mein uThaa rakkhaa hai

pattharo aaj mire sar pe baraste kyuun ho
main ne tum ko bhi kabhi apnaa khudaa rakkhaa hai

ghar mein jo ik charaagh thaa tum ne use bujhaa diyaa
koi kabhi charaagh ham ghar mein na phir jalaa sake

aasaan kis qadar hai samajh lo miraa pata
basti ke baad pahlaa jo viraana aaegaa

aap kyaa aae ki rukhsat sab andhere ho gae
is qadar ghar mein kabhi bhi raushni dekhi na thi

kam-umri mein sunet hain
mar jaate hain achchhe log

idhar to tuul diyaa hai umiid ko us ne
udhar hayaat ataa ki hai mukhtasar mujh ko

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein