ye rivaayat hai kitaabon mein utaare jaaein — Haris Bilal

falak pe bhiiD lagi thi shikasta aahon ki
duaa se pahle mujhe raasta banaanaa paDaa

tumhaari yaad ki shiddat mein bahne vaalaa ashk
zamin mein bo diyaa jaae to aankh ug aae

achchhaa tiri nazar mein bahut mukhtalif huun main
yaani tiri nazar mein koi dusraa bhi hai

vo mujh ko dekhne mere qarib aayaa hai
ye dhund saare mahinon mein kyuun nahin paDti

main chaah kar bhi use kuchh na de sakaa 'haaris'
vo bhaav puchh ke meri dukaan se lauT gayaa

kaamyaabi ki duaaein mujhe dene vaale
main tire ishq mein naakaam huaa jaataa huun

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

roz o shab bech diye hain main ne
is bulandi se giraataa kyaa hai

raat mein tiir andhe chalaane lage
aur nishaane pe un ke nishaane lage

ghazab kiyaa tire vaade pe e'tibaar kiyaa
tamaam raat qayaamat kaa intizaar kiyaa