shor-e-dariyaa-e-vafaa-e-ishrat ishrat-e-saahil ke qarib — Iftikhar Aazmi

husn yuun ishq se naaraaz hai ab
phuul khushbu se khafaa ho jaise

kitnaa sunsaan hai rasta dil kaa
qaafila koi luTaa ho jaise

ajab tanaav hai maahaul mein kahein kis se
kahin pe aaj koi haadsa huaa to nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

mire hamraah garche duur tak logon ki raunaq hai
magar jaise koi kam hai kabhi milne chale aao

yak qadam raah-e-dost hai 'daaud'
lekin afsos paa-e-bakht hai lang